මැට් වෙස්ටන් කියන්නේ CIA එකේ පහළම තැනක ඉන්න, වැඩක් නැති ඒජන්ට් කෙනෙක්. එයාගේ ජොබ් එක තමයි දකුණු අප්‍රිකාවේ, කේප් ටවුන්වල තියෙන ‘සේෆ් හවුස්’ එකක් බලාගන්න එක. කිසිම ඇක්ෂන් එකක් නැතුව, නිකන් ගෙදර මුරකරු වගේ ඉන්න එක ගැන එයා ඉන්නේ පට්ට අවුලෙන්.

ඔන්න එක දවසක්, මෙයා බලාපොරොත්තු නොවුණු දෙයක් වෙනවා. CIA එකෙන් පැනලා ගියපු, ආයතනයේ භයානකම රහස් දන්න, ටෝබින් ෆ්‍රොස්ට් කියන පට්ටම භයානක හිටපු ඒජන්ට් කෙනෙක්, අවුරුදු ගාණකට පස්සේ එකපාරටම එයාලට අහු වෙනවා. ප්‍රශ්න කරන්න මෙයාව ගේන්නේ වෙස්ටන් බලාගන්න මේ සේෆ් හවුස් එකට.

වෙස්ටන් හිතන්නේ ඉතින් එයාගේ ලොකු චාන්ස් එක ආවා කියලා. ඒත් එහෙම හිතලා විනාඩි ගාණක් යන්න කලින්, බර අවි ගත්ත කුලී හේවායෝ කණ්ඩායමක් මේ සේෆ් හවුස් එකට කඩා පනිනවා. ඇතුළේ ඉන්න හැමෝම ඉවරයි.

කොහොමහරි, මේ අද්දැකීම් අඩු වෙස්ටන්ට සිද්ධ වෙනවා, CIA එකේ ලොකුම හතුරා වෙන ෆ්‍රොස්ට්වත් අරගෙන එතනින් පැනගන්න. දැන් ප්‍රශ්නේ මේකයි.

මේ ගහන්නේ කවුද? එයාලා කොහොමද මේ රහස් තැන ගැන හරියටම දැනගත්තේ? වෙස්ටන්ට උඩින් එන ඕඩර්ස් එයාව බේරයිද? නැත්නම් එයා එක්ක දුවන මේ භයානක මිනිහා, ෆ්‍රොස්ට්, කියන දේද ඇත්ත? CIA එක ඇතුළෙම ලොකු පාවාදීමක් සිද්ධ වෙලා වගෙයි පේන්නේ. දැන් වෙස්ටන්ට තේරෙන්නේ නැහැ කාව විශ්වාස කරන්නද, කාගෙන් බේරෙන්නද කියලා.