අපි හැමෝම මරණයට බයයි, ඒත් මරණය පරාජය කරන්න පුළුවන් කෙනෙක් ඉන්නවා කිව්වොත්? Seobok (2021) කියන දකුණු කොරියානු චිත්‍රපටය දිවෙන්නේ අන්න ඒ වගේ තේමාවක් ඔස්සේයි. මේකේ ප්‍රධාන චරිතය තමයි කි-හියොන්. ඔහු හිටපු බුද්ධි අංශ නිලධාරියෙක්, ඒ වගේම මාරාන්තික රෝගයකින් පීඩා විඳින කෙනෙක්.

ඔහුට ලොකු වගකීමක් පැවරෙනවා. ඒ තමයි “සෝබොක්” කියන ලෝකයේ පළමු ක්ලෝන මිනිසාව ආරක්ෂිතව වෙනත් තැනකට රැගෙන යාම. සෝබොක් සාමාන්‍ය කෙනෙක් නෙවෙයි, ඔහුට කවදාවත් මරණය ළඟා වෙන්නේ නැහැ. ඒ වගේම ඔහු සතුව පුදුම සහගත බලතල තියෙනවා. ලෝකයේ ලොකුම සමාගම් සහ දේශපාලන කණ්ඩායම් උත්සාහ කරන්නේ මේ ක්ලෝන මිනිසාව තමන්ගේ වාසියට පාවිච්චි කරන්නයි.

ගමන අතරතුරදී ඔවුන්ට දරුණු ප්‍රහාර එල්ල වෙනවා. කි-හියොන් සහ සෝබොක් අතර ඇතිවෙන අපූරු මිත්‍රත්වය මේ කතාවේ හදවත බඳුයි. සදාකාලිකව ජීවත් වෙන එක ඇත්තටම සතුටක්ද? නැත්නම් ඒකත් ශාපයක්ද? මේ ප්‍රශ්නෙට උත්තර හොයන ගමන්ම සෝබොක්ව දඩයම් කරන්න එන සතුරන්ගෙන් ඔහු බේරෙයිද කියලා දැනගන්න නම් මේ ඇක්ෂන් පිරි චිත්‍රපටය බලන්නම වෙනවා.