ක්‍රියාදාම චිත්‍රපට (Action Movies) පිස්සෙක් නම් ඔයාට මේ අවුරුද්දේ ලැබෙන ලොකුම තෑග්ග තමයි Shadow Force (2025). මෙහි ප්‍රධාන චරිත වලට පණ පොවන්නේ Kerry Washington සහ Omar Sy වගේ ප්‍රබල නළු නිළියන් දෙපළක්.

කතාව ගෙතෙන්නේ Kyrah සහ Isaac කියන දෙන්නා වටා. මේ දෙන්නා ඉස්සර වැඩ කළේ ඉතාමත් රහසිගත, භයානක මෙහෙයුම් කරන “Shadow Force” කියන කණ්ඩායමේ. හැබැයි මොකක් හරි හේතුවක් නිසා මේ දෙන්නා ඒ කණ්ඩායමෙන් ඉවත් වෙලා පැනලා යනවා. ප්‍රශ්නය තියෙන්නේ, මේ වගේ රහස් කණ්ඩායම් වලින් කාටවත් ලේසියෙන් අයින් වෙලා යන්න බැරි එකයි.

දැන් මේ දෙන්නා තමන්ගේ පුතාවත් අරගෙන ලෝකයෙන් හැංගිලා ඉන්නේ. හැබැයි හිටපු කණ්ඩායම මේ දෙන්නව හොයාගෙන එනවා. තමන්ගේම පරණ යාළුවෝ, සහෝදරයෝ වගේ හිටපු අයම දැන් මේ දෙන්නව මරන්න පස්සෙන් පන්නනවා. මුළු ලෝකයම ඔවුන්ට එරෙහි වෙද්දී, තමන්ගේ පවුල බේරගන්න මේ දෙන්නා කරන අරගලය තමයි චිත්‍රපටයේ තියෙන්නේ.
මේක නිකන්ම වෙඩි තියාගන්න ෆිල්ම් එකක් නෙවෙයි. මෙහි හැඟීම්බර පැත්තකුත් තියෙනවා. තමන් විශ්වාස කරපු අය තමන්ව දඩයම් කරන්න එද්දී දැනෙන හැඟීම කොහොමද? බේරෙන්න කිසිම පාරක් නැති තැනකදී තමන් ආදරේ කරන අය වෙනුවෙන් කොච්චර දුරක් යන්න පුළුවන්ද? තාක්ෂණය, සුපිරි සටන් ජවනිකා සහ කුතුහලය පිරුණු මේ Shadow Force චිත්‍රපටය ඔයාගේ ඇඩ්‍රිනලින් මට්ටම උපරිමයටම ගෙනියන එක නියතයි