නළු නිළියන් සහ අධ්‍යක්ෂක: මේක Luis Prieto ගේ අධ්‍යක්ෂණයක්. ප්‍රධාන චරිතවලට ඉන්නේ Cameron Monaghan (ක්‍රිස් ලෙස), අතිශය ආකර්ෂණීය Lilly Krug (ස්කයි ලෙස), Frank Grillo සහ John Malkovich වගේ දක්ෂ නළු නිළියන් පිරිසක්.

මේක පටන් ගන්නේ ක්‍රිස් කියන කෝටිපති තරුණයත් එක්ක. එයා තමන්ගේ බිරිඳගෙන් වෙන් වෙලා තනියම ජීවත් වෙන කෙනෙක්. දවසක් රෑක සුපිරි මාර්කට් එකකදී එයාට හරිම ලස්සන කෙල්ලෙක්ව මුණගැහෙනවා. එයාගේ නම ස්කයි. දැක්ක ගමන්ම ක්‍රිස්ගේ හිත එයා ගැන ඇදිලා යනවා.

කොහොම හරි මේ දෙන්නා අතර සම්බන්ධයක් ඇතිවෙලා ස්කයි ක්‍රිස්ගේ ගෙදරට එනවා. හැබැයි එදා රෑ සිද්ධ වෙන පොඩි අනතුරකින් ක්‍රිස්ගේ කකුල කැඩෙනවා. එයාට ඇවිදගන්න බැරි වෙනවා. මෙන්න මේ වෙලාවේ ස්කයි ස්වේච්ඡාවෙන්ම ඉදිරිපත් වෙනවා ක්‍රිස්ව බලාගන්න එයාගේ ගෙදර නවතින්න.

මුලදී මේක හරිම ආදරණීය කතාවක් වගේ පෙනුනට, ටික දවසක් යද්දී ක්‍රිස්ට තේරෙනවා ස්කයි කියන්නේ එයා හිතාගෙන ඉන්න ජාතියේ අහිංසක කෙල්ලෙක් නෙවෙයි කියලා. එයාගේ හැසිරීම් අමුතු වෙන්න ගන්නවා. ක්‍රිස් එයාගේම සුඛෝපභෝගී ගෙදර ඇතුලේ හිරකාරයෙක් බවට පත්වෙනවා.

එතනින් එහාට මොකද වෙන්නේ? ස්කයි ඇත්තටම කවුද? එයාට ක්‍රිස්ගෙන් මොනවද ඕනේ? අතක් පයක් හොලවගන්න බැරිව ඉන්න ක්‍රිස්ට මේ භයානක උගුලෙන් බේරෙන්න පුළුවන් වෙයිද?

මේ ප්‍රශ්නවලට උත්තර දැනගන්න නම්, අනිවාර්යයෙන්ම මේ ත්‍රාසජනක චිත්‍රපටිය බලන්නම වෙනවා. මේක නිකන්ම ආදර කතාවක් නෙවෙයි, හොඳටම කුතුහලය පිරුණු සුපිරි ත්‍රිලර් එකක්!