හිතන්නකො, එකපාරටම ටෝකියෝ බොක්ක උතුරන්න ගන්නවා. මුලින්ම ආණ්ඩුවේ ලොක්කො හිතන්නෙ නිකන් වුල්කැන් එකක් කියලා. එයාලා මීටින් තිය තිය, කඩදාසි එහෙ මෙහෙ කර කර ඉන්නකොට, වතුරෙන් මතුවෙන්නෙ කවුරුත් බලාපොරොත්තු වුණේ නැති, හරිම අමුතු, දැවැන්ත සතෙක්.

මේකා නිකන්ම සතෙක් නෙමෙයි. ඌ ගොඩබිමට එනවා. ඒ එන ගමන් ඌ වෙනස් වෙනවා… පරිණාමය වෙනවා! මිනිස්සුන්ට හිතාගන්නත් බැරි වේගෙකින් ඌ ‘ගොඩ්සිලා’ බවට පත් වෙනවා.

ටෝකියෝ නගරය මැදින් යන මේ යෝධයා කරන විනාශය සුළුපටු නෑ. හමුදාව ගහන මිසයිල, බෝම්බ මුකුත් ඌට වදින්නෙවත් නෑ වගේ. ඒ මදිවට, ඌ කටින් දම් පාට ලේසර් කදම්භයක් විදිනවා, මුළු නගරයම එකම ගිනි ගොඩක් කරනවා.

ලෝකෙම බලවතුන් කියන්නෙ නියුක්ලියර් බෝම්බයක් දාලා මේකව විනාශ කරමු කියලා.
ඒත්, ආණ්ඩුවේම ඉන්න, කවුරුත් ගණන් නොගත්ත තරුණ නිලධාරීන් කණ්ඩායමක් මේකට විරුද්ධ වෙනවා. එයාලා, ලොක්කන්ගෙ නීතිරීති පැත්තකට දාලා, මේ යෝධයව “Freeze” කරන්න, එහෙම නැත්නම් ගල් කරන්න මාර ප්ලෑන් එකක් ගහනවා. ඒක පට්ට අවදානම් වැඩක්. එයාලට පුළුවන් වෙයිද මේ විනාශය නවත්තන්න? නැත්නම් ගොඩ්සිලා ආයෙත් ඇහැරිලා හැමදේම ඉවර කරයිද?