ආදරය, කැපකිරීම සහ විශාල රහසක් එකතු වුණු ලස්සන ආදර අභිරහසක් බලන්න කැමතිද? එහෙනම් Sita Ramam (2022) කියන්නේ ඔයාගේ හදවතටම වදින සුපිරිම චිත්‍රපටයක්.

කතාව පටන් ගන්නේ 1960 ගණන්වල. රාම් කියන්නේ කාශ්මීරයේ සේවය කරන අනාථ ඉන්දියානු හමුදා නිලධාරියෙක්. එයා හමුදාවේ කරපු වීරක්‍රියාවක් නිසා එයා ගැන විකිරණ විකාශනයක විස්තර යනවා. ඒකෙන් පස්සේ එයාට නාඳුනන ලියුම් ගොඩක් එන්න පටන් ගන්නවා. ඒ අතරින් “සීතා” කියන තරුණියගෙන් එන ලියුම් රාම්ගේ මුළු ජීවිතයම වෙනස් කරනවා. තමන් කවුද කියලවත් නොදන්න මේ කෙල්ලට රාම් ආදරේ කරන්න පටන් ගන්නවා. පස්සේ රාම් සීතාව හොයාගෙන යනවා. ඒත් මේ ලස්සන ආදර කතාව මැදට දේශපාලනය සහ යුද්ධය කඩාපාත් වෙනවා.

දශක දෙකකට විතර පස්සේ, අෆ්රීන් කියන පාකිස්ථාන ජාතික මුරණ්ඩු ශිෂ්‍යාවකට බාර වෙනවා විශේෂ වැඩක්. ඒ තමයි අවුරුදු 20කට කලින් රාම් විසින් සීතාට ලියපු, භාරදෙන්න බැරි වුණු අන්තිම ලියුම සීතා අතට පත් කරන එක. හැබැයි අෆ්රීන් මේ සීතාව හොයන්න යන ගමනේදී එළිවන්නේ කිසිම කෙනෙක් නොසිතූ විදිහේ විශාල රහස් ගොඩක්.