කතාව කැරකෙන්නේ මැසචුසෙට්ස් වල පොඩි නගරයක ඉන්න හයි-ස්කූල් යාලුවෝ හතර දෙනෙක් වටේ. ඒ තමයි Wren, Hallie, Chloe සහ Katie. දවසක් මේගොල්ලෝ නිකන් ඉන්නකොට ඉන්ටර්නෙට් එකේ තියෙන භයානක මිත්‍යාවක් ගැන කතා වෙනවා, ඒ තමයි “Slender Man” ගැන.

මේ Slender Man කියන්නේ මූණක් නැති, අසාමාන්‍ය විදිහට උස, කළු සූට් එකක් ඇඳගත්තු අද්භූත චරිතයක්. කතාවට කියන්නේ එයා ළමයිව පැහැරගෙන යනවා කියලා.

ඉතින්, මේ යාලුවෝ හතරදෙනා, ටිකක් විනෝදෙට වගේ, මේ Slender Man ව කැඳවන්න පුළුවන් කියන අමුතු ඔන්ලයින් චාරිත්‍රයක් (ritual) කරනවා. එයාලා හිතන්නේ මේක නිකන් බොරුවක් කියලා.

ඒත්, ඒක කරලා හරියටම සතියකට පස්සේ, කට්ටියෙන් එක්කෙනෙක්, Katie, කිසිම සලකුණක්වත් නැතුව එකපාරටම අතුරුදහන් වෙනවා.

අනිත් යාලුවෝ තුන්දෙනා හොඳටම බය වෙනවා. එයාලට තේරෙනවා එයාලා කරපු දේ නිකන් සෙල්ලමක් නෙවෙයි කියලා. එයාලා Katie ට මොකද වුණේ කියලා හොයන්න පටන් ගන්නවා. ඒත් ඒකත් එක්කම, Slender Man ගේ බලපෑම එයාලා වටේටත් එන්න පටන් ගන්නවා. එයාලට අමුතු දේවල් පේන්න ගන්නවා, එයාලගේ සිහිය විකල් වෙනවා. එයාලා මේ භයානක හෙවණැල්ලෙන් බේරෙන්න හදනකොට, තේරුම් ගන්නවා මේකෙන් ගැලවීමක් හිතන තරම් ලේසි නැහැ කියලා.

මේ ෆිල්ම් එක අධ්‍යක්ෂණය කළේ Sylvain White. ප්‍රධාන චරිත හතර කරන්නේ Joey King (Wren), Julia Goldani Telles (Hallie), Jaz Sinclair (Chloe) සහ Annalise Basso (Katie). අර භයානක Slender Man ගේ චරිතයට ඉන්නේ Javier Botet.