මේක නම් ටිකක් වෙනස් කතාවක්!
මේක පටන් ගන්නේ පුරාණ උල්කාපාතයක් හොයාගෙන අප්‍රිකාවේ කැලේට යන ග්‍රේස්ටෝක් පවුලෙන්. අවාසනාවට, එයාලගේ හෙලිකොප්ටරය කඩා වැටෙනවා, අන්තිමට බේරෙන්නේ පුංචි පුතා විතරයි.

ඔහුව හදා වඩා ගන්නේ ‘කාලා’ කියන ගෝරිල්ලා අම්මා. එයා තමයි මේ පොඩි කොල්ලාට ‘ටාසන්’ කියන නම දෙන්නේ.
ටාසන් කැලේ රජා වගේ හැදෙනවා. හැබැයි, දවසක් එයාට හම්බවෙනවා ‘ජේන් පෝටර්’ කියන ලස්සන තරුණිය. ඒ වෙලාවේ තමයි ටාසන්ට තමන්ගේ අතීතය ටිකෙන් ටික මතක් වෙන්න ගන්නේ.

හැබැයි මේ අතරේ, ටාසන්ගේ තාත්තාගේ කොම්පැනියේ ලොක්කා වෙන විලියම් ක්ලේටන් කියන කපටි මිනිහෙක් අර උල්කාපාතයේ බලය හොයන්න මේ කැලේට එනවා. එයාට ඕනේ මේකෙන් ලෝකෙම බලය අල්ලගන්න.

ක්ලේටන්ගේ අරමුණ හොඳ නැහැ කියලා තේරුම් යන ටාසන්, ජේන් එක්ක එකතු වෙලා, තමන්ගේ කැලෑ පවුලත්, මේ බලවත් උල්කාපාතයත් මේ නරක මිනිහගෙන් බේරගන්න ලොකු සටනක් කරන්න ලෑස්ති වෙනවා.

දැන් බලන්න ඕනේ, කැලෑවට ආදරේ කරන මේ කොල්ලා කොහොමද ලෝබකමෙන් මත් වෙච්ච මේ බලවත් කොම්පැනිකාරයා පරදවන්නේ කියලා. කැලේ රජා තමන්ගේ දේ වෙනුවෙන් සටන් කරන විදිහ මේකේදී නම් හරිම රමණීයයි!