නළු නිළියන් සහ අධ්‍යක්ෂකවරයා: මේ චිත්‍රපටයේ ප්‍රධාන චරිත රඟපාන්නේ Claes Bang (විල් ලෙස), Olga Kurylenko (රොසලින්ඩ් ලෙස) සහ Brian Cox (මිල්ටන් ලෙස). චිත්‍රපටය අධ්‍යක්ෂණය කරලා තියෙන්නේ Paula van der Oest විසින්.

මේ කතාව ගලාගෙන යන්නේ “විල්” කියන සැමියා වටා. විල් සහ එයාගේ බිරිඳ රොසලින්ඩ් හරිම සතුටින් ජීවත් වෙන යුවළක්. හැබැයි රොසලින්ඩ්ට පොඩි අතීත රහසක් වගේම මානසික පීඩනයකුත් තියෙනවා. හදිසියේම දවසක රොසලින්ඩ් අතුරුදහන් වෙනවා. විල්ට මේක දරාගන්න බැරි වෙනවා. එයා හැමතැනම රොසලින්ඩ්ව හොයනවා.

අන්තිමේදී විල්ට ආරංචි වෙනවා එයාගේ බිරිඳ ප්‍රංශයේ ඉන්නවා කියලා. හැබැයි එතනට යන විල් දකින්නේ හිතාගන්නවත් බැරි දෙයක්. තමන්ගේ බිරිඳ ඉන්නේ ලොකු කම්පනයකින්. ඊටත් වඩා භයානකම දේ තමයි, එයාලගේ අලුත උපන් බබා මියගිහින් ඉන්න බව විල් දැනගන්න එක.

දැන් විල්ට තියෙන ලොකුම ප්‍රශ්නේ තමයි, මේ දරුවා මැරුණේ කොහොමද කියන එක. රොසලින්ඩ් ඇත්තටම අහිංසකද? නැත්නම් ඇය අතින් යම් වරදක් වුණාද? විල් මේ රහස හොයන්න පටන් ගන්නවා. එයා රහස පස්සේ යනකොට එළිවෙන්නේ හිතාගන්නවත් බැරි අතීත සිදුවීම් ටිකක්. රොසලින්ඩ්ගේ අතීතය, එයාගේ සුළු පියා සහ සැඟවුණු පින්තූර වගයක් මේ අභිරහස තවත් සංකීර්ණ කරනවා.

මේක නිකන්ම මිනීමැරුමක්ද, නැත්නම් මානසික රෝගයක ප්‍රතිඵලයක්ද? අවසානය වෙනකම්ම කුතුහලයෙන් බලන්න පුළුවන් ෆිල්ම් එකක් මේක.