ඇමරිකාවෙන් එන තරුණියක් වන ග්‍රේටා, එංගලන්තයේ දුරබැහැර පළාතක තියෙන පරණ මන්දිරයක නැණි (nanny) කෙනෙක් විදියට වැඩට යනවා. ඇයව බඳවා ගන්නේ හීල්ෂයර් (Heelshire) මහත්තයායි, නෝනයි.

ඒත්… ඇයව පුදුම කරමින් ඔවුන්ගේ පුතා කියන්නේ අවුරුදු අටක පෝසිලේන් බෝනික්කෙක්! නම – බ්‍රාම්ස් (Brahms).

දෙමව්පියෝ ඒ බෝනික්කාට සලකන්නේ හරියටම තමන්ගේ සැබෑ පුතාට වගේ. ග්‍රේටාටත් එයාව බලාගන්න කියලා, දැඩි නීති මාලාවක් දීලා, ඔවුන් නිවාඩුවක් ගත කරන්න ගමනක් යනවා.

ග්‍රේටා මුලින්ම හිතන්නේ මේක හරිම විහිළුවක් කියලා. ඉතින්, ඇය ඒ නීති කඩ කරනවා. ඒත්… ටික දවසක් යද්දි, මේ ගෙදර අමුතු දේවල් වෙන්න පටන් ගන්නවා. බෝනික්කා තනියම ඉන්න තැන් මාරු කරනවා වගේ… හරිම භයානකයි.

මේ නිසා, බ්‍රාම්ස් කියන මේ බෝනික්කා ඇත්තටම ජීවමානද? නැත්නම් මේ සියල්ලටම පිටුපසින් තවත් භයානක රහසක් තියෙනවද?

ග්‍රේටාට තේරෙනවා… ඇය හිතුවාට වඩා මේක හරිම අවදානම් රැකියාවක් කියලා. විශේෂයෙන්ම එයාගේ අතීතයේ තියෙන කළු සෙවණැලිත් මේකට එකතු වුණාම… ඇයට සිද්ධ වෙන්නේ ඒ අමුතු නීතිවලට යටත්වෙලා බ්‍රාම්ස්ව රැකබලා ගන්නද? එහෙමත් නැත්නම් ඇත්තටම මේ ගෙදර ඉන්නේ කවුද කියලා හොයා බලන්නද? ඔන්න ඔතනින් තමයි කතාව ඇවිළෙන්නේ!