හරිම ලස්සන නමක් තිබුණට, The Butterfly House කියන්නේ හිතට පොඩි බයක් වගේම ලොකු කුතුහලයක් දනවන චිත්‍රපටයක්. එක ගෙයක් ඇතුළේ හිරවුණු පිරිසක් සහ ඒ ගෙදර තියෙන අභිරහස් බලවේගයක් ගැනයි මෙතැනදී කතා කරන්නේ. සමනලුන්ගේ හැසිරීම් එක්ක ගෙතුණු මේ කතාව සයිකොලොජිකල් ත්‍රිලර් ගණයට අයිති වෙනවා.

පිටතින් පෙනෙන ලස්සනට යටින් තියෙන අඳුරු රහස් මොනවාද? ඇයි මේ ගෙදරට එන අය ආපහු යන්නේ නැත්තේ? මේ වගේ ප්‍රශ්න ගොඩක් චිත්‍රපටය බලන අතරතුරේදී ඔයාලගේ හිතට එනවා. චරිතවල හැසිරීම් වගේම පසුතල නිර්මාණයත් හරිම සූක්ෂම විදිහට කරලා තියෙනවා.

සමනලයා කියන්නේ නිදහසේ සංකේතයක් වුණාට, මේ කතාවේදී ඒක මරණයේ සංකේතයක් වෙන්නේ කොහොමද? මිනිස් මනසේ තියෙන අඳුරු පැති හොයාගෙන යන මේ ගමන ඔයාලව පුදුම කරවයි. තමන්ගේ ජීවිතය බේරගන්න කරන අරගලයත්, අභිරහස් නිවසක සැඟවුණු රහසත් ගැන දැනගන්න The Butterfly House නරඹන්නම ඕනේ.