The Chamber (2016) කියන්නේ බලන කෙනාවත් හිරවෙනවා වගේ දැනෙන, පීඩනය උපරිම ත්‍රාසජනක කතාවක් (claustrophobic thriller). මේක අධ්‍යක්ෂණය කරලා තියෙන්නේ බෙන් පාකර් (Ben Parker).

කතාව වෙන්නේ ගැඹුරු මුහුද යට. හිතන්නකෝ, පරණ, පොඩි පර්යේෂණ සබ්මැරීන් එකක් (submersible) තියෙනවා. ඒකේ පයිලට් තමයි මට්ස් (ප්‍රධාන චරිතය කරන්නේ Johannes Kuhnke). දවසක්, විශේෂ හමුදා මෙහෙයුමක කට්ටියක් (තුන් දෙනෙක්) එනවා මේ සබ් එක රහස් මෙහෙයුමකට ඕන කියලා.

මෙයාලට යන්න ඕන උතුරු කොරියාවට ගොඩක් කිට්ටුව, මුහුදේ භයානක ගැඹුරු පතුලකට.

මොකක්ද හොයන්නේ, මොකක්ද ප්ලෑන් එක කියලා එයාලා පයිලට් එක්කවත් හරියට කියන්නේ නෑ. කොහොමහරි මේ හතර දෙනා (Charlotte Salt, James McArdle, Elliot Levey ඇතුළු) මේ පොඩි ඉඩ ඇතුළේ පතුලට බහිනවා.

හැබැයි, එයාලා හිතන විදිහට දේවල් වෙන්නේ නෑ. එකපාරටම වෙන අනතුරකින් මේ සබ් එක මුහුදු පතුලේ හිරවෙනවා. ඒකත් උඩු යටිකුරු වෙලා!

වතුර හිමීට ඇතුලට එනවා, හුස්ම ගන්න තියෙන ඔක්සිජන් ටික ටික ඉවර වෙනවා. මේ හතර දෙනා මේ පොඩි ‘කුටිය’ (Chamber) ඇතුළේ, එකිනෙකා එක්කත් ප්‍රශ්න අස්සේ, කොහොමද තමන්ගේ ජීවිත බේරගන්නේ? එයාලට එළියට එන්න පුළුවන් වෙයිද, නැත්නම් ඒකම එයාලගේ අන්තිම නවාතැන වෙයිද?