ඔයාලා ඓතිහාසික චිත්‍රපටවලට වගේම දේශපාලන කුමන්ත්‍රණ (Political Thrillers) වලට කැමති කෙනෙක්ද? එහෙනම් අනිවාර්යයෙන්ම බලන්න ඕන ෆිල්ම් එකක් තමයි “The Conclave” කියන්නේ.

මේ චිත්‍රපටය අධ්‍යක්ෂණය කරලා තියෙන්නේ Christoph Schrewe විසින්. ප්‍රධාන චරිතය වන රොඩ්රිගෝ බොර්ජියා (Rodrigo Borgia) ලෙස Manu Bennett ඉතා විශිෂ්ට රඟපෑමක නිරත වෙනවා. ඒ වගේම Brian Blessed සහ James Faulkner වැනි දක්ෂ නළුවන් මෙහි චරිතවලට පණ පොවනවා.

කතාව පටන් ගන්නේ 1458 වර්ෂයේදී. රෝමයේ පාප් වහන්සේ හදිසියේම මියයනවා. දැන් ප්‍රශ්නේ තමයි ඊළඟට ඒ පුටුවට එන්නේ කවුද කියන එක. මේ තීරණය ගන්න කාදිනල්වරු කණ්ඩායමක් රහසිගතව වතිකානුවට රැස්වෙනවා. මේ රැස්වීමට කියන්නේ “Conclave” කියලා.

හැබැයි මේක සාමකාමී රැස්වීමක් නෙවෙයි. එතන තියෙන්නේ පුදුම බල පොරයක්. එක් එක් කණ්ඩායම් තමන්ගේ මනුස්සයව පාප් වහන්සේ කරන්න යටින් ගේම් ගහනවා. මෙතනදී තමයි අපිට තරුණ රොඩ්රිගෝ බොර්ජියාව හම්බවෙන්නේ. එයා හරිම කපටි සහ බුද්ධිමත් විදියට මේ බල අරගලයට මැදිහත් වෙනවා.

දෙවියන් වෙනුවෙන් කැපවුණු අය කියලා හිතාගෙන හිටියට, බලය ලබාගන්න මොන වගේ පාවාදීම්, අල්ලස් දීම් සහ රහස් කුමන්ත්‍රණ සිද්ධ වෙනවද කියලා මේ ෆිල්ම් එකෙන් බලාගන්න පුළුවන්. දවස් ගාණක් ඇතුළේ හිරවෙලා ඉන්න මේ අයගෙන් ඊළඟ පාප් වහන්සේ වෙන්නේ කවුද? රොඩ්රිගෝ තමන්ගේ ඉලක්කය ජයගනීවිද?

මේ ප්‍රශ්නවලට උත්තර හොයාගන්න නම්, මුල ඉඳන් අන්තිම වෙනකන් ඇස් පිල්ලමක්වත් ගහන්නේ නැතුව බලන්න පුළුවන් මේ සුපිරි චිත්‍රපටය නරඹන්නම වෙනවා.