දැඩි විද්‍යාඥයෙක් වගේ හැසිරෙන තාත්තා කෙනෙකුයි, අද්භූත දේවල් ගැන හරිම උනන්දුවක් තියෙන දුවෙකුයි තමයි කතාවේ ප්‍රධාන චරිත. මේ දෙන්නා අලුතින්ම යන්නේ හැලොවීන් උත්සවයට පිස්සු වගේ ආදරේ කරන පුංචි නගරයකට. තාත්තා නම් මේ හැලොවීන් උන්මාදයට කොහෙත්ම කැමති නැහැ.

නමුත් දුවට අලුත් ගෙදරින් හම්බවෙනවා පරණ, අමුතු හැලොවීන් පහනක් (lantern) – ඒක ඇතුළේ අවුරුදු ගාණක් තිස්සේ හිරවෙලා ඉන්නවා පුරාණ භූතයෙක්. දුව වැරදීමකින් ඒ පහන පත්තු කරපු ගමන්, මුළු නගරය පුරාම තියෙන හැලොවීන් සැරසිලිවලට පණ එනවා. හිතන්න, සෙල්ලම් මකුළුවෝ, පිල්ලි, නපුරු විහිළුකාරයෝ (Killer Clowns) ඇවිදින්න, පනින්න, දඟලන්න පටන් ගන්නවා! මුළු නගරයම එක රැයකින් බිහිසුණු අවුල් ජාලාවක් වෙනවා.

දැන් මේ තාත්තයි දුවයි දෙන්නා එකතු වෙන්න වෙනවා. දුවගේ අද්භූත දැනුම සහ තාත්තාගේ ‘තර්කානුකූල’ මනස මේ විනාශය නවත්වන්න උදව් වෙයිද? භූතයා ආපහු පහන ඇතුළට දාලා, නගරය බේරගන්න එයාලට පුළුවන් වෙයිද? හැබැයි ඒ ගමන නම් හරිම විනෝදජනක වගේම අභියෝගාත්මකයි! බලන්නකෝ එහෙනම් මේ දෙන්නා කොහොමද මේ පිස්සු හැලොවීන් අවුල නිරාකරණය කරන්නේ කියලා!