“The Desperate Hour” කියන්නේ ඇඟ කිලිපොලා යන ත්‍රාසජනක චිත්‍රපටයක්. මේ කතාව ගෙතෙන්නේ ඒමි කාර් (Amy Carr) කියන අම්මා කෙනෙක් වටා.
කතාව පටන් ගන්නේ ඒමි උදේ ව්‍යායාම කරන්න කැලෑ පාරක දුවන්න යන සාමාන්‍ය දවසකින්. හැබැයි මේ සාමාන්‍ය උදෑසන, එක පාරටම බියකරු එකක් බවට පත් වෙනවා. ඒ එයාගේ ෆෝන් එකට එන හදිසි පණිවිඩයකින්.

එයාගේ පුතා ඉගෙන ගන්න ඉස්කෝලෙට කවුරුහරි වෙඩි තියන්න ඇවිත්!
හිතන්නකෝ ඒ මොහොත. ඒමි ඉන්නේ ඉස්කෝලෙන් සැතපුම් ගාණක් ඈත, කැලෑවක් මැද්දේ. එයා ළඟ තියෙන්නේ එයාගේ ස්මාර්ට් ෆෝන් එක විතරයි. එයාට දුවගෙන යන්නවත් බෑ.

දැන් මේ අම්මා, තමන්ගේ දරුවාව බේරගන්න පොලීසියට, යාළුවන්ට කතා කරමින්, පුතාව හොයාගන්න දරන මාර උත්සාහයක් තමයි මේ ෆිල්ම් එකේ තියෙන්නේ. මේ තීරණාත්මක පැය ගාණ ඇතුළේ, එයා ෆෝන් එකෙන් කොහොමද මේ තත්ත්වය පාලනය කරන්නේ? එයාට පුතාව බේරගන්න පුළුවන් වෙයිද?