හිතන්න ලෝකේ එකපාරටම විනාශ වෙලා, රට ඇතුළේ ජීවත් වෙන මිනිස්සු කොටස් දෙකකට කැඩෙනවා. එක කොටසක් තමයි ‘ගැන්ග්’ (Gangs) කියලා හඳුන්වන මාරාන්තික කල්ලි ටිකක්. එයාලා තමයි හැම තැනම පාලනය කරන්නේ, හැමෝම බය කරන දරුණුම අය. අනිත් අය තමයි ‘ඩොමෙස්ටික්ස්’ (Domestics), සාමාන්‍ය විදිහට, සාමකාමීව ජීවත් වෙන්න උත්සාහ කරන මිනිස්සු.

මේ කතාවේ ප්‍රධාන චරිත දෙක තමයි මාර්ක් (Mark) සහ නීනා (Nina). එයාලා ඇත්තටම දික්කසාද වෙන්න හිටපු යුවළක්.

ඒත් මේ විනාශයෙන් පස්සේ එයාලට සිද්ධ වෙනවා එකට ගමනක් යන්න. ඒ තමයි නීනාගේ දෙමාපියන් ඉන්න ආරක්ෂිත තැනක් හොයාගෙන.

ඒ ගමන අතරතුර එයාලට මේ විනාශ වෙච්ච ලෝකේ තියෙන භයානකම ගැන්ග්ස්ලට මුහුණ දෙන්න වෙනවා. දවසක් එයාලා හොයාගන්න අතහැර දැමූ ගෙදරකටත් කරදරයක් එනවා.
ජීවිතේ බේරගන්න එයාලට සිද්ධ වෙන්නේ, එයාලා කවදාවත් හිතපු නැති දරුණු තීරණ ගන්නයි. මේ ගමන එයාලගේ සම්බන්ධෙටත් ලොකු අභියෝගයක් වෙනවා.

කල්ලි වලින් පැනලා, තමන්ගේ පරණ ජීවිතේ බේරගන්න එයාලා කොච්චර දුර යයිද? මාර්ක්ටයි, නීනාටයි මේ අලුත් ලෝකේ ජීවත් වෙන්න පුළුවන් වෙයිද? ඒකට එයාලා ආයෙත් එකතු වෙයිද? මේක බැලුවොත් උත්තර හොයාගන්න පුළුවන්.