“The Final Wish” කියන්නේ අද්භූත සහ බය හිතෙන චිත්‍රපට බලන්න කැමති අයට ගැලපෙනම එකක්. කතාවේ ප්‍රධාන චරිතය වන ආරොන්, තමන්ගේ පියාගේ මරණයෙන් පස්සේ ආපහු ගෙදර එනවා තමන්ගේ අම්මට උදව් කරන්න. පියා පරණ බඩු එකතු කරන කෙනෙක් නිසා, ඔහුගේ බඩු බාහිරාදිය අස් කරද්දී ආරොන්ට අමුතු විදිහේ පැරණි භාජනයක් (Urn) හම්බවෙනවා. මේක නිකම්ම භාජනයක් නෙවෙයි, මේක ඇතුලේ අද්භූත බලයක් තියෙනවා කියලා ආරොන් දැනගන්නේ පස්සෙයි.

ආරොන් නිකමට වගේ කරන ප්‍රාර්ථනාවන් ඇත්තටම ඉටු වෙන්න පටන් ගන්නවා. මුලින්ම ඔහුට මේක හරිම මැජික් එකක් වගේ දැනෙනවා. තමන්ට ඕනේ කරන හැමදේම ලේසියෙන්ම ලැබෙද්දී ඔහු ගොඩක් සතුටු වෙනවා. හැබැයි ඒ හැම ප්‍රාර්ථනාවකටම ලොකු වන්දියක් ගෙවන්න වෙනවා කියලා ඔහු දැනගන්නේ පරක්කු වෙලයි. ඔහු යමක් ඉල්ලන හැම වතාවකම, ඔහුට ආදරේ කරන හෝ ඔහු වටේ ඉන්න අයට දරුණු විපත් සිද්ධ වෙනවා. මේ භාජනය පිටුපස ඉන්නේ “ජින්” (Djinn) කෙනෙක් කියලා පස්සේ හෙළි වෙනවා.

මේ අද්භූත බලවේගය ආරොන්ගේ ජීවිතය සම්පූර්ණයෙන්ම පාලනය කරන්න පටන් ගන්නවා. තමන් කරපු වැරැද්ද තේරුම් ගත්තත්, ඒකෙන් බේරෙන එක ලේසි වෙන්නේ නැහැ. ආරොන්ට සිද්ධ වෙනවා තමන්ගේ අවසාන ප්‍රාර්ථනාව පාවිච්චි කරලා මේ ඔක්කොම නතර කරන්න. හැබැයි ඒකෙන් ඔහුගේ ජීවිතේ පවා නැති වෙන්න පුළුවන්. “අපි ප්‍රාර්ථනා කරන දේවල් ගැන පරිස්සම් වෙන්න ඕනේ” කියන පණිවිඩය මේ කතාවෙන් ලස්සනට දෙනවා. බය හිතෙන දර්ශන වගේම කුතුහලය පිරුණු අවසානයක් තියෙන මේ චිත්‍රපටය හෙඩ්ෆෝන් දෙකක් දාගෙන තනියම බලන්න පුළුවන් නම් වඩාත් හොඳයි.