මේ කතාව ගලාගෙන යන්නේ ධීවර කර්මාන්තය මත ජීවත් වෙන පුංචි නගරයක. කතාවේ ප්‍රධාන චරිතය තමයි, තරුණ ලොබ්ස්ටර් අල්ලන ධීවරයෙක් වෙන ජේමි.

ජේමිගේ ජීවිතේ ලස්සනට ගලාගෙන යද්දී, එකපාරටම එයාගේ ආදරවන්තියට – ඇන්ජාට – බෝට්ටුවේ සිදුවීමකින් දරුණු තුවාලයක් වෙනවා. ඇයට කතා කරන්න, හිතන්න පවා අමාරු වෙනවා.

මේ සිදුවීමත් එක්ක ජේමිගේ ජීවිතය අවුල් වෙනවා. එයාට එක පැත්තකින් ඇන්ජාගේ සුවය ගැන හිතන්න වෙනවා, අනිත් පැත්තෙන් ලොබ්ස්ටර් කර්මාන්තයේ වෙනස්වීම් එක්ක සටන් කරන්නත් වෙනවා.

දැන් මේ නගරයේ ධීවර ව්‍යාපාරය අඩාල කරන්න පිටින් එන බලවත් කෙනෙකුත් ඉන්නවා. ඒ විතරක් නෙවෙයි, ජේමිගේ ලොබ්ස්ටර් උගුල් පවා කවුරුහරි විනාශ කරනවා. මේ නිසා මුහුදේ බල අරගලයක් ඇතිවෙනවා.

ඔය අතරේ ජේමිට අලුතින් හමුවෙන තවත් තරුණියක් ගැන අලුත් හැඟීම් ඇතිවෙන්නත් පටන් ගන්නවා.

දැන් ජේමිට මොකද කරන්නේ කියලා තේරෙන්නේ නෑ. ආදරය, පැවැත්ම, ජීවිතයේ අභියෝග… මේ හැමදේම මැද එයාට අලුත් මාවතක් හොයාගන්න සිද්ධ වෙනවා. මේ හැම අභියෝගයක්ම ජයගෙන ජේමිට ඔහුගේ ජීවිතය ආයෙත් නියම පාරට දාගන්න පුළුවන් වෙයිද?
ඒක දැනගන්න නම්, ඔයාට චිත්‍රපටය බලන්නම වෙනවා!