අද කාලේ තරුණ ළමයින්ට තාක්ෂණය කියන්නේ සෙල්ලම් බඩුවක් වගේනේ. ඉතින් මේ කතාවේ ඉන්න තරුණ කොල්ලෝ දෙන්නෙකුත් හිතනවා අමුතු විදිහක පරීක්ෂණයක් කරන්න. ඔවුන්ගේ අසල්වැසි නිවසේ ඉන්නේ හරිම අමුතු, කාත් කවුරුවත් නැති වයසක මනුස්සයෙක්. මේ කොල්ලෝ දෙන්නා තීරණය කරනවා ඒ මනුස්සයාගේ ගෙදරට හොර රහසේ කැමරා සහ උපකරණ සවි කරලා, ඔහුට පේන්න “අද්භූත” සිදුවීම් මවන්න. හරියට ගෙදර හොල්මන් ඉන්නවා වගේ පෙන්වන්න තමයි ඔවුන්ට ඕනේ වෙන්නේ.

ඔවුන් හිතන්නේ මේක නිකම්ම විහිළුවක් (Prank) විතරයි කියලා. හැබැයි මේ වයසක මනුස්සයා ඔවුන් බලාපොරොත්තු වුණු විදිහට නෙවෙයි මේ සිදුවීම් වලට ප්‍රතිචාර දක්වන්නේ. ඔහු හරිම නිශ්ශබ්දයි, ඒ වගේම ඔහුගේ හැසිරීම හරිම සැකකටයුතුයි. කොල්ලෝ දෙන්නා වීඩියෝ බලන ගමන් බලන් ඉන්නේ කවදා හරි මේ මනුස්සයා බය වෙලා කෑගහනකම්. හැබැයි සිද්ධ වෙන්නේ ඊට වඩා ගොඩක් බරපතළ දෙයක්.

මේ චිත්‍රපටිය පුරාම තියෙන්නේ හිතාගන්න බැරි කුතුහලයක්. අපි හැමෝම හිතන්නේ ඒ වයසක මනුස්සයා මොකක් හරි ලොකු රහසක් හංගගෙන ඉන්නවා කියලා. “The Good Neighbor” කියන්නේ අපේ නිගමන කොයි තරම් වැරදි වෙන්න පුළුවන්ද කියලා පෙන්වන අපූරු ත්‍රිලර් එකක්. අවසාන මොහොතේ සිද්ධ වෙන දේ දැක්කම ඔයාලා පුදුමයෙන් ගල් ගැසෙයි. කාටවත් කරදරයක් කරන්න කලින් දෙපාරක් හිතන්න ඕනේ කියන පාඩම මේකෙන් ලස්සනට කියා දෙනවා.