ඔයා කවදාවත් කොරියානු කව්බෝයි චිත්‍රපටයක් බලලා තියෙනවද? නැත්නම් අනිවාර්යයෙන්ම බලන්න ඕන ෆිල්ම් එකක් තමයි The Good, the Bad, the Weird. මේක වෙන්නේ 1930 ගණන්වල මැන්චූරියාවේ. කතාව දුවන්නේ අද්භූත “නිදන් සිතියමක්” වටා. මේ සිතියම අතට ගන්න ප්‍රධාන චරිත තුනක් පොරකනවා. මේ තුන්දෙනා තමයි කතාවේ නම හැදෙන්න හේතුව.

පළවෙනියා “The Good”. මෙයා දඩයම්කරුවෙක්. සල්ලිවලට අපරාධකාරයෝ අල්ලන කෙනෙක්. එයාගේ ඉලක්කේ තමයි අර සිතියම හොරකම් කරපු කෙනාව අල්ලන එක. දෙවෙනියා “The Bad”. මෙයා නම වගේම දරුණු මැරයෙක්. කාටවත් බය නැති, ඕනම කෙනෙක්ව මරලා දාන්න පුළුවන් කෙනෙක්. එයාට ඕන කොහොම හරි සිතියම අරගෙන නිධානය හොයාගන්න. තුන්වෙනියා තමයි “The Weird”. මෙයා ටිකක් පිස්සු චරිතයක්. මෙයා තමයි අර සිතියම මුලින්ම උස්සන්නේ. හැබැයි එයා දන්නෙ නෑ මේක පස්සේ ලොකු සේනාවක් එලවනවා කියලා.

ඉතින් මේ තුන්දෙනා එකිනෙකා පස්සේ පන්නන හැටි, වෙඩි තියාගන්න හැටි සහ කාන්තාරය මැද්දේ යන “Chevy” යතුරුපැදි සහ අශ්වයන්ගේ ධාවන තරඟ හරිම ත්‍රාසජනකයි. ඒ විතරක් නෙවෙයි, මේ සිතියම පස්සේ ජපන් හමුදාවත් එලවනවා. හැම තැනම පිපිරීම්, වෙඩි හුවමාරු සහ හිනා යන වැඩ කෑලි පිරුණු චිත්‍රපටයක්. ඇත්තටම මොකක්ද මේ සිතියමේ තියෙන්නේ? නිධානය හොයාගන්නේ කවුද? අන්තිමට ඉතුරු වෙන්නේ කවුද? ඇස් පිල්ලමක්වත් ගහන්නේ නැතුව බලන්න පුළුවන් සුපිරිම ඇක්ෂන් ෆිල්ම් එකක්. ක්‍රියාදාම චිත්‍රපට වලට ආස අයට නම් මේක නියම භාණ්ඩයක්.

Director: Kim Jee-woon
Cast: Song Kang-ho, Lee Byung-hun, Jung Woo-sung