නීරියෝ වින්ච් (Nerio Winch) කියන්නේ ලෝකයේම පැතිරුණු “W-ගෲප්” (W-Group) කියන දැවැන්ත මූල්‍ය අධිරාජ්‍යයේ අයිතිකාරයා. හැබැයි දවසක් හොංකොං වලදී එයාගේ යාත්‍රාවකදී හදිසියේම, ඒ කියන්නේ අබිරහස් විදිහට, ඔහු මිය යනවා.

නීරියෝට නීත්‍යානුකූල දරුවෙක් නැති නිසා, මේ මුළු අධිරාජ්‍යයේම අනාගතය අඳුරු වෙනවා. හැබැයි එතකොට තමයි එළියට එන්නේ නීරියෝ අවුරුදු ගාණක් රහසක් විදිහට තියාගෙන හිටපු කතාවක්—ඒ තමයි ඔහුට හදාගත්තු පුතෙක් ඉන්නවා කියන එක.
ඒ තමයි අපේ කතා නායකයා, ලාර්ගෝ වින්ච් (Largo Winch).

ලාර්ගෝ කියන්නේ නිදහස් විදිහට, ලෝකය වටේම විවිධ දේවල් කරමින් ජීවත් වෙන තරුණයෙක්. මේ අධිරාජ්‍යය ගැන එයාට කිසිම උවමනාවක් නැහැ.
නමුත් නීරියෝගේ මරණයත් එක්කම, අභිරහස් විදිහට ලාර්ගෝව මත්ද්‍රව්‍ය ජාවාරමකට හිර කරනවා. මේක පටන් ගැන්ම විතරයි!

දැන් ලාර්ගෝට තියෙන්නේ ලොකු අභියෝග දෙකක්. එක: තමන්ගේ පියාගේ මරණය පිටිපස්සේ ඉන්නේ කවුද කියලා හොයාගන්න එක. දෙක: තමන් තමයි මේ දැවැන්ත ව්‍යාපාරයේ නියම උරුමකරු කියලා ඔප්පු කරලා, ඒක බිඳ වැටෙන්න නොදී බේරගන්න එක.
ඔහුට එක පැත්තකින් ආයතනයේම ඉන්න ද්‍රෝහීන්ගෙන් සටන් කරන්න වෙනවා. තවත් පැත්තකින්, ඔහුට උදව් කරන්න ආව වගේ පෙනී ඉන්න අයට පවා ඇත්තටම වෙනත් රහස් න්‍යායපත්‍ර තියෙන්න පුළුවන්.

මේක නිකම්ම අධිරාජ්‍යයක් බේරගැනීමේ සටනක් නෙවෙයි. මේක තමන්ගේ අනන්‍යතාවය සහ පියාගේ උරුමය වෙනුවෙන් ලෝකය වටේම යන, පුදුමාකාර ත්‍රාසජනක ගමනක්. ලාර්ගෝට මේ හැම අභියෝගයක්ම ජය අරගෙන, ඇත්තටම “උරුමක්කාරයා” වෙන්න පුළුවන් වෙයිද? බලමු.