The Legend of Ben Hall ද ලෙජන්ඩ් ඔෆ් බෙන් හෝල් (බෙන් හෝල්ගේ පුරාවෘත්තය)
නළු නිළියන් සහ අධ්‍යක්ෂණය: මේ ෆිල්ම් එක අධ්‍යක්ෂණය කරලා තියෙන්නේ මැතිව් හෝම්ස් (Matthew Holmes). ප්‍රධාන චරිතය වන බෙන් හෝල්ට පණ පොවන්නේ ජැක් මාටින් (Jack Martin) කියන නළුවා. ඒ වගේම ජේමි කොෆා සහ විලියම් ලී ත් මේකේ ප්‍රධාන චරිතවලට එකතු වෙනවා.

මේක ඕස්ට්‍රේලියාවේ හිටපු දරුණුම මංකොල්ලකාරයෙක් ගැන ඇත්ත කතාවක්. මිනිහා තමයි බෙන් හෝල්. කතාව පටන් ගද්දිම බෙන් හෝල් ඉන්නේ ලොකු පීඩනයක. අවුරුදු ගාණක් තිස්සේ නීතියෙන් පැනලා දුවන මේ ජීවිතේ දැන් මිනිහට එපා වෙලා තියෙන්නේ. බ්‍රිතාන්‍ය අධිරාජ්‍යයම බෙන්ව දඩයම් කරන්න පොලිස් හමුදාවක් යොදවලා තියෙන වෙලාවක් මේක.

බෙන්ට ඕන කරන්නේ කොහොම හරි තමන්ගේ පුතාව අන්තිම වතාවට දැකලා, මේ කරදරකාරී ජීවිතේ දාලා රටින් පැනලා යන්න. ඒත් ඒක හිතන තරම් ලේසි වෙන්නේ නෑ. මොකද එයාගේ පරණ කල්ලියේ හිටපු තවත් දරුණු යාළුවෝ දෙන්නෙක් ආපහු බෙන්ව හොයාගෙන එනවා. ඒ ජෝන් ගිල්බට් සහ ජෝන් ඩන්.

මේ දෙන්නා ආපහු එකතු වුණාම බෙන්ට සිද්ධ වෙනවා ආයේ පරණ විදිහටම මංකොල්ලකන්න පටන් ගන්න. මේ නිසා පොලිසියට ලේසියෙන්ම හෝඩුවාවල් ලැබෙනවා. මුළු රටම මෙයාලව වටකරද්දි, තමන් විශ්වාස කරන ළඟම යාළුවෙක්ගේ පාවා දීමක් නිසා කතාව වෙනස්ම පැත්තකට හැරෙනවා.

මේ තුන් දෙනාට පොලිස් වළල්ල කඩාගෙන පැනගන්න පුළුවන් වෙයිද? බෙන් හෝල්ට තමන්ගේ පුතාව දකින්න ලැබෙයිද? අන්තිමට බෙන් හෝල්ගේ ඉරණම විසඳෙන්නේ කොහොමද කියලා දැනගන්න ෆිල්ම් එක බලන්නම වෙනවා.