‘The Marine 5: Battleground’ (2017) මේක අර ‘The Marine’ චිත්‍රපට මාලාවේ පස්වෙනි එක.

මේකෙත් ප්‍රධාන චරිතය, ජේක් කාටර්ට පණ පොවන්නේ WWE සුපිරි තරුවක් වන ‘The Miz’ (මයික් මිසානින්). ජේක් කියන්නේ ඔයාලා දන්නවා වගේ හිටපු මැරීන් කෙනෙක්. හැබැයි මේ ෆිල්ම් එකේදී එයා වැඩ කරන්නේ ගිලන් රථ සේවයක (EMT) කෙනෙක් විදිහට.

කතාව පටන් ගන්නේ මෙහෙමයි: ජේක්ටයි එයාගේ අලුත් පාට්නර්ටයි හදිසි ඇමතුමක් එනවා පාතාලේ තියෙන පාර්කින් ගරාජ් එකකට. එතනට ගියාම, එයාලා දකිනවා හොඳටම තුවාල වෙලා ඉන්න මිනිහෙක්ව. එයාලා මේ මනුස්සයට උදව් කරන්න හදනකොටම, කතාව සම්පූර්ණයෙන්ම වෙනස් වෙනවා.

එතනට දරුණු බයිසිකල් කල්ලියක් කඩා වදිනවා. මේ කල්ලිය ඇවිත් තියෙන්නේ වෙන කිසි දේකට නෙවෙයි, අර තුවාල වෙච්ච මනුස්සයව ඉවරයක් කරලා දාන්න. එයාලා මුළු ගරාජ් එකම වටලනවා.

දැන් ජේක් කාටර්ට සිද්ධ වෙනවා එයාගේ පරණ මැරීන් හැකියාවන් ආයෙත් එළියට ගන්න. එයාට තියෙන ලොකුම අභියෝගය තමයි, මේ ම්ලේච්ඡ කල්ලිය අතින් අර තුවාලකාරයවයි, තමන්ගේ සහායිකාවයි, තමන්වයි බේරගන්න එක. මේ මුළු පාර්කින් එකම මාර යුධ පිටියක් (Battleground) බවට පත් වෙනවා.

ඇයි මේ කල්ලිය අර මනුස්සයව මරන්න හදන්නේ? ජේක්ට මේ සෙට් එකම එක්ක තනියම හැප්පෙන්න පුළුවන් වෙයිද?

මේ චිත්‍රපටය අධ්‍යක්ෂණය කරලා තියෙන්නේ ජේම්ස් නන් (James Nunn). ‘The Miz’ එක්ක එයාගේ නියම ජීවිතේ බිරිඳ Maryse Ouellet වගේම Heath Slater වගේ තවත් WWE තරු කීපයක්මත් මේකේ රඟපානවා.