අධ්‍යක්ෂණය: Paul Haggis ප්‍රධාන නළු නිළියන්: Russell Crowe, Elizabeth Banks, Liam Neeson

ජෝන් බ්‍රෙනන් කියන්නේ බොහොම සාමකාමීව, තමන්ගේ පවුලත් එක්ක සතුටින් ජීවත් වුණ සාමාන්‍ය කොලේජ් ප්‍රොෆෙසර් කෙනෙක්. එයාට ලස්සන බිරිඳක් සහ පොඩි පුතෙක් ඉන්නවා. හැබැයි දවසක් උදේ මේ හැමදේම උඩු යටිකුරු වෙනවා. පොලිසිය කඩා පැනලා ජෝන්ගේ බිරිඳව අත්අඩංගුවට ගන්නවා. චෝදනාව තමයි මිනීමැරීම! ජෝන්ට මේක හිතාගන්නවත් බැහැ. එයාගේ බිරිඳ කෑගහලා කියනවා එයා නිවැරදියි කියලා. නමුත් සියලුම සාක්ෂි තියෙන්නේ ඇයට විරුද්ධව. අන්තිමේදී ඇයට ජීවිතාන්තය දක්වා හිර දඬුවම් ලැබෙනවා.

දැන් තමයි කතාවේ හොඳම හරිය පටන් ගන්නේ. අවුරුදු ගාණක් උසාවි ගිහින් නීතියෙන් මේක විසඳන්න බැලුවත් වැඩක් වෙන්නේ නෑ. තමන්ගේ බිරිඳ හිරේ ඇතුලේ විඳින දුක බලන් ඉන්න බැරි තැන ජෝන් තීරණයක් ගන්නවා. ඒ තමයි, “නීතියෙන් බැරිනම් මම මගේ ක්‍රමයට එයාව එළියට ගන්නවා” කියන එක. ඔව්, එයා තීරණය කරනවා හිරගෙදර කඩලා බිරිඳව පන්නා ගන්න. හැබැයි ප්‍රශ්නේ තියෙන්නේ ජෝන් කියන්නේ මැරයෙක්වත්, අපරාධකාරයෙක්වත් නෙවෙයි. එයා ගුරුවරයෙක්. තුවක්කුවක් අල්ලන්නවත් දන්නේ නැති මනුස්සයෙක් කොහොමද ලෝකේ තියෙන ආරක්ෂිතම හිරගෙදරකින් කෙනෙක්ව පන්න ගන්නේ?

මේ සැලැස්ම ක්‍රියාත්මක කරන්න එයා අන්තර්ජාලයෙන් දේවල් ඉගෙන ගන්නවා, පරණ අපරාධකාරයන්ව (Liam Neeson) හම්බවෙනවා. දවස් තුනක් ඇතුළත එයාට මේ වැඩේ කරන්න වෙනවා මොකද එයාගේ බිරිඳව වෙනත් හිරගෙදරකට මාරු කරන්න හදන නිසා. පොලිසියට අහු නොවී, සල්ලි හොයාගෙන, ව්‍යාජ පාස්පෝට් හදාගෙන මේක කරන්න පුළුවන් වෙයිද? මේක බලද්දී ඔයාටත් හිතෙයි “අම්මෝ මෙහෙම හස්බන්ඩ් කෙනෙක්” කියලා. හුස්ම අල්ලගෙන බලන්න පුළුවන් සුපිරිම Action Thriller එකක්. Russell Crowe ගේ රඟපෑම ගැන ඉතින් අමුතුවෙන් කියන්න ඕන නෑනේ!