The Outsider (2014) කියන්නේ කුතුහලය සහ ක්‍රියාදාම පිරුණු නියම තිලර් එකක්. කතාවේ ප්‍රධාන චරිතය ලෙක්ස් වෝකර්. එයා හිටපු හමුදා නිලධාරියෙක්. දවසක් එයාට ආරංචි වෙනවා එයාගේ දුව මැරුණා කියලා. දුවගේ සිරුර හඳුනාගන්න ලොස් ඇන්ජලීස් වලට යන ලෙක්ස්ට දකින්න ලැබෙන්නේ හිතාගන්න බැරි දෙයක්. ඒ මිනීපෙට්ටියේ ඉන්නේ එයාගේ දුව නෙවෙයි! එතැනින් තමයි කතාවේ නියම කුතුහලය පටන් ගන්නේ. එහෙනම් එයාගේ දුවට මොකද වුණේ? ඇයි මේ වගේ බොරුවක් කළේ?

ලෙක්ස් තනියම සටනක් පටන් ගන්නවා සත්‍යය හොයාගෙන යන්න. මේ ගමනේදී එයාට මුණගැහෙනවා මහා පරිමාණ වංචා කරන ව්‍යාපාරිකයෝ සහ දූෂිත නිලධාරියෝ. ලෙක්ස් කියන්නේ සාමාන්‍ය කෙනෙක් නෙවෙයි, එයාගේ හමුදා පුහුණුවත් එක්ක එයා තමන්ගේ දුවව හොයාගන්න ඕනෑම දෙයක් කරන්න ලෑස්තියි. මේ චිත්‍රපටය පුරාම තියෙන්නේ එක ප්‍රශ්නයක් විතරයි, “ඇත්තටම දුව ජීවතුන් අතර ඉන්නවාද?”. කතාව ඉස්සරහට යද්දී හෙළිවන රහස් සහ සිද්ධවෙන සටන් දර්ශන ඔයාලව ඇසිපිය නොහෙලා තියාගන්න සමත් වෙයි. පියෙකුගේ ආදරය සහ නොපසුබට උත්සාහය ගැන කියවෙන මේ කතාවේ අවසානය ඔයාලා හිතනවාට වඩා ගොඩක් වෙනස් වෙන්න පුළුවන්. අනිවාර්යයෙන්ම බලන්න වටිනා චිත්‍රපටයක්.