The Radio Amateur (2021)
මේ කතාවේ ප්‍රධාන චරිතය නිකොලස්. අවුරුදු තිහක, ඕටිසම් (Autism) තත්ත්වයෙන් පෙළෙන ඔහු ගැන තමයි මේ කතාව.

නිකොලස්ගේ අම්මා නැතිවෙනවා. ඒකෙන් පස්සේ එයා තීරණය කරනවා ආපහු තමන්ගේ ගමට යන්න. ගමට ගිහින් එයාට කරන්න විශේෂ මෙහෙයුමක් තියෙනවා. ඒ තමයි දවස් දෙකක් ඇතුළත “මහ මුහුදට” යන්න ඕනේ!

ඔන්න ඔතනදී එයාට හම්බවෙනවා එයාගේ පොඩි කාලේ එකම යාළුවා වුණු ආනේව. නිකොලස්ගේ මේ අමුතු ගමනට ආනේගේ උදව් අවශ්‍ය වෙනවා.

රේඩියෝ ඉංජිනේරු විද්‍යාවට පිස්සුවෙන් වගේ ආස කරන නිකොලස්, මේ ගමන හරහා තමන්ගේ නිදහස, තමන්ගේම ලෝකයක් හොයාගන්න හදනවා. හැබැයි, සමාජයේ අනිත් අය මේ වගේ වෙනස් මනුස්සයෙක්ට ඉඩ දෙයිද? නැත්නම්, එයාලා මේ ගමනට බාධා කරයිද?

මේ කතාවෙන් අපිට බලාගන්න පුළුවන්, වෙනස් විදිහට ලෝකය දකින මනුස්සයෙක් නිදහස හොයාගෙන යන ලස්සන, ටිකක් සංවේදී ගමන.

නිකොලස්ගේ මේ අභිරහස් ගමනේ අවසානය මොකක් වෙයිද? එයාට එයාගේ මෙහෙයුම සාර්ථක කරගන්න පුළුවන් වෙයිද? එහෙනම් බලන්නකෝ ‘The Radio Amateur’!