යාලුවෝ පස්දෙනෙක් නිවාඩුවකට ගිහින් ඉන්නේ දූපතක තියෙන දුරබැහැර නිවසකට. ඔවුනුත්, මුළු ලෝකෙමත් නොදන්නා දෙයක් තමයි මේ වෙලාවේ පිටසක්වල ආක්‍රමණයක් පටන් අරන් කියලා.

මේ ගමන අතරතුරදී, එයාලට මුණගැහෙනවා අමුතු, අද්භූත දඩයක්කාරයෙක්. මේ මනුස්සයා මේ සිද්ධිය ගැන විශේෂ දැනුමක් තියෙන කෙනෙක්. එතනින් එහාට කතාව දිග හැරෙන්නේ කොහොමද?

පිටසක්වල ජීවීන් මහා පරිමාණයෙන් මිනිසුන්ව පැහැරගන්න පටන් ගන්නවා. දැන් මේ යාලුවන්ට තියෙන්නේ පැනලා බේරෙන්න. ඒත් කොහොමද? අර අද්භූත දඩයක්කාරයා එයාලට උදව් කරයිද? නැත්නම් මොහු එයාලගේ තවත් එක් ප්‍රශ්නයක් විතරද?

පිටසක්වල යානයක් ඇතුළේ එයාලට මුහුණ දෙන්න වෙන දේ නම් හිතාගන්න බැරි තරම් භයානකයි. ඔවුන් ආපහු පොළොවට ආවට පස්සේ සියල්ල සාමාන්‍යයි වගේ පෙනුනත්, ඇත්තටම එයාලට මොකද වුණේ?

මේක නිකන්ම නිකන් සරල පැහැරගැනීමක් විතරක් නෙවෙයි… පිටසක්වල ජීවීන්ගේ මේ වැඩේ පිටුපස්සේ ලොකු අරමුණක් තියෙනවා. ඒ වගේම, එයාලව ආපහු එව්වේ ඇයි? ආපහු ආවට පස්සේ එයාලාගේ ජීවිත වෙනස් වෙලාද?

කතාව ඉවර වෙන්නේ අපේ හිතේ ලොකු කුතුහලයක් ඉතිරි කරලා! දැන් බලන්න ඕනෙ නේද මේ කතාව මොකක්ද කියලා?