1665 කාලවකවානුව, ඒ කියන්නේ ලෝකය පුරාම මහා මාරක වසංගතයක් පැතිරුණු කාලයක්. අන්න ඒ වගේ අඳුරු පසුබිමක තමයි The Reckoning කතාව දිවෙන්නේ. ග්‍රේස් කියන තරුණ කාන්තාවට තමන්ගේ සැමියා අහිමි වෙනවා. තනිවම තමන්ගේ දරුවා බලාගන්න උත්සාහ කරන ඇයට තවත් ලොකු කරදරයකට මුහුණ දෙන්න වෙනවා. ඒ තමයි ඇය “මායාකාරියක්” (Witch) කියලා ගම්මුන් චෝදනා කරන එක.

ඒ කාලේ මායාකාරියක් කියලා සැක කරන අයට දෙන දඬුවම් හරිම අමානුෂිකයි. ඉතින් ග්‍රේස්ව හිර කරලා, ඇගෙන් පාපොච්චාරණයක් ගන්න රජයේ නිලධාරීන් එක එක වධ හිංසා පමුණුවනවා. හැබැයි ඇය ලෙහෙසියෙන් පරාජය වෙන කෙනෙක් නෙවෙයි. මේ චිත්‍රපටය පුරාම තියෙන්නේ මනුෂ්‍යත්වයට වඩා අමානුෂිකත්වය රජ කරපු කාලයක, තනි ගැහැණියක් තමන්ගේ අභිමානය සහ ජීවිතය වෙනුවෙන් කරන සටනයි.

ග්‍රේස්ට ඇත්තටම අද්භූත බලයක් තියෙනවද? නැත්නම් මේක මිනිස්සුන්ගේ මෝඩකමක්ද? චිත්‍රපටය අවසානයේදී සිද්ධ වෙන දේවල් ඔයාව පුදුම කරවයි. වධහිංසා පමුණුවන දර්ශන සහ ඒ කාලේ තිබුණු අඳුරු පරිසරය නියමෙටම මේකේ මවලා තියෙනවා. නිකන්ම නිකන් ත්‍රාසජනක කතාවකට වඩා, මේකේ තියෙන හැඟීම්බර පැත්ත සහ ග්‍රේස්ගේ ශක්තිමත් චරිතය ඔයාගේ හිතට තදින්ම දැනෙයි. තමන්ට වුණු අසාධාරණයට ඇය පලිගන්නේ කොහොමද කියලා දැනගන්න මේක අනිවාර්යයෙන්ම බලන්න.