මේ චිත්‍රපටිය අධ්‍යක්ෂණය කරන්නේ Obin Olson සහ Amariah Olson කියන දෙන්නා. ප්‍රධාන නළුවා විදිහට ඉන්නේ Cam Gigandet (ගේබ්‍රියෙල් විදිහට). ඊට අමතරව ප්‍රවීණ නළු Jonathan Rhys Meyers සහ Michael Biehn වගේ අයත් මේකට රංගනයෙන් දායක වෙනවා.

මේකේ ප්‍රධාන චරිතය ගේබ්‍රියෙල් කියන තරුණයා. මෙයා සාමාන්‍ය විදිහට තමන්ගේ බිරිඳ එක්ක පාඩුවේ ජීවත් වෙන කෙනෙක්. හැබැයි මෙයාට ලොකු ප්‍රශ්නයක් තියෙනවා. ඒ තමයි මෙයාට රෑට රෑට අමුතුම විදිහේ භයානක හීන පේන එක. නිකම්ම හීන නෙවෙයි, මිනිස්සු මරන හැටි, දේශපාලන කුමන්ත්‍රණ වගේ දේවල් තමයි එයාට හීනෙන් පේන්නේ.

ගේබ්‍රියෙල් හිතන්නේ මේවා නිකම්ම නපුරු හීන කියලා විතරයි. ඒත් දවසක් එයාට තේරෙනවා එයා හීනෙන් දකින සමහර මිනිස් ඝාතන ඇත්තටම ලෝකේ සිද්ධ වෙනවා කියලා! එතකොට තමයි ප්‍රශ්නේ පටන් ගන්නේ.

ඇත්තටම මෙයාට මේ පේන්නේ හීනද? නැත්නම් කවුරුහරි එයාගේ මනස පාලනය කරලා එයාව නොදැනුවත්වම මිනිස්සු මරන්න පාවිච්චි කරනවද?

මේ රහස හොයාගෙන යද්දි ගේබ්‍රියෙල් දැනගන්නවා එයා වටේ ඉන්න හැමෝම එයාට බොරු කරලා කියලා. එයාට උදව් කරන්න එන ඩොක්ටර් රීස් (Dr. Reese) පවා අමුතු චරිතයක්. අන්තිමේදී ගේබ්‍රියෙල්ට සිද්ධ වෙනවා තමන්ගේ ජීවිතේ බේරගන්නත්, තමන් ඇත්තටම කවුද කියලා හොයාගන්නත් ලොකු සටනක් දෙන්න.

මේක ඇක්ෂන් සහ ත්‍රිලර් කැටගරි එකට වැටෙන, කුතුහලය පිරුණු ෆිල්ම් එකක්.