ඔබ ඇනිමේෂන් (Animation) චිත්‍රපටවලට ආදරය කරන කෙනෙක් නම්, “The Snow Queen” කතා මාලාවේ තුන්වැනි දිගහැරුම මගහැර ගන්න එපා. මේ කතාවේ ඉන්නේ අපේ හැමෝම ආදරය කරන Gerda සහ ඇගේ සහෝදරයා Kai. කලින් සිදුවීම්වලින් පස්සේ මෙයාලා දැන් ජීවත් වෙන්නේ ට්‍රෝල්ස්ලා (Trolls) එක්කයි.

හැබැයි ගර්ඩාට එක ප්‍රශ්නයක් තියෙනවා. ඒ තමයි තමන්ගේ දෙමාපියන්ව හොයාගන්න තියෙන දැඩි වුවමනාව. මේ වැඩේට උදව් කරන්න ඇයට අලුත් යාළුවෙක් හම්බවෙනවා. දෙන්නත් එක්ක එකතු වෙලා පෞරාණික මායා ගලක් හොයාගෙන යනවා. හැබැයි මේ ගල නිසා සිද්ධ වෙන්නේ නොහිතපු දෙයක්. ගර්ඩාගේ ඇඟ ඇතුළට අයිස් බලයත්, ඇගේ යාළුවාගේ ඇඟට ගින්දර බලයත් ඇතුළු වෙනවා.

දැන් මුළු ලෝකයම විනාශ වෙන්න පුළුවන් මට්ටමේ ලොකු අනතුරක් නිර්මාණය වෙලා. ගින්දර සහ අයිස් එකිනෙකට ගැටෙනකොට මොන වගේ විනාශයක් වෙයිද? තමන්ගේ පවුල හොයාගන්න ගිය ගමනේදී ගර්ඩාට මුළු ලෝකයම බේරගන්න සිද්ධ වෙනවා. මේ ලස්සන, වර්ණවත් වගේම කුතුහලය පිරුණු කතාව පුංචි අයට විතරක් නෙවෙයි, ඕනෑම කෙනෙකුට රසවිඳින්න පුළුවන්.

Cast (Voice): Laurie Hymes, Jason Griffith, Graham Halstead
Director: Aleksey Tsitsilin