දැන් අහගන්න, ‘The Spirit’ කියන්නේ මිනීමැරුමකට ලක්වෙලා ආයෙත් ජීවිතේට එන ඩෙනී කෝල්ට් කියන පොලිස් නිලධාරියෙක් ගැන. හැබැයි එයා ආයෙත් එන්නේ සාමාන්‍ය විදිහට නෙමෙයි, මරණයෙන් බේරිලා, හැම තුවාලයකින්ම ඉක්මනට සුව වෙන අමුතුම ‘Spirit’ කෙනෙක් විදිහට.

දැන් මෙයාගේ එකම වැඩේ තමා එයාගේ ආදරණීය ‘සෙන්ට්‍රල් සිටි’ නගරේ අපරාධකාරයන්ගෙන් බේරගන්න එක. විශේෂයෙන්ම එයාට ඕන වෙලා තියෙන්නේ නගරේ ඉන්න දරුණුම පිස්සෙක් වගේම එයාගේ ලොකුම සතුරා වන ‘ඔක්ටෝපස්’ ව අල්ලගන්න.

හැබැයි මේ අතරට එනවා එයාගේ පොඩි කාලේ පෙම්වතිය වෙච්ච, දැන් ජාත්‍යන්තර සොරියක් වෙලා ඉන්න සෑන්ඩ් සාරෙෆ්. මෙයා හරිම ලස්සන, ඒ වගේම භයානක ගැහැණියක්. ඔක්ටෝපස් සහ සෑන්ඩ් සාරෙෆ් දෙන්නම උත්සාහ කරන්නේ හරිම වටිනා පුරාණ වස්තුවක් හොයාගන්න. ඒක තමයි ‘හර්කියුලිස්ගේ රුධිරය’ තියෙනවා කියන ඇම්ෆෝරාව. කතාවට අනුව ඒකෙන් අමරණීයත්වය ලැබෙනවා.

ඔක්ටෝපස් මේ වස්තුවෙන් ලෝකයම පාලනය කරන්නයි හදන්නේ. ඒත් ඔක්ටෝපස්ටයි Spirit ටයි තියෙන මේ අමුතු බැඳීම මොකක්ද? ඇයි Spirit ට මැරෙන්න බැරි? සෑන්ඩ් සාරෙෆ් ඇත්තටම Spirit ගේ පැත්තෙද නැත්තම් ඔක්ටෝපස්ගේ පැත්තෙද? ඒ වගේම අර අමරණීයත්වය දෙන්න පුළුවන් රුධිරය කාටද අන්තිමට ලැබෙන්නේ?