“The Spy Who Never Dies” (2022) ද? මේක පට්ට ආතල් action-comedy ජාතියේ ෆිල්ම් එකක්.

මේකේ ප්‍රධාන චරිතේ බ්‍රැඩ්. මෙයා කියන්නේ ලෝකේ ඉන්න සුපිරිම ඔත්තුකාරයෙක්, ඒ කියන්නේ ජේම්ස් බෝන්ඩ් වගේ. හැබැයි පොරට දැන් මේ හැමදාම ලෝකේ බේරගන්න, වෙඩි තියාගන්න රස්සාව හොඳටම ඇති වෙලා. එයාට ඕනේ හරිම “සාමාන්‍ය” ජීවිතයක් ගත කරන්න.
ඔහොම ඉන්නකොට, බ්‍රැඩ්ට සෙට් වෙනවා වෙරෝනිකා කියලා ගෑනු ළමයෙක්. එයා සත්තුන්ට බෙහෙත් කරන කෙනෙක්. බ්‍රැඩ් හිතන විදිහේම සාමාන්‍ය, හොඳ කෙනෙක්.

හැබැයි පොඩි අවුලක් තියෙනවා. වෙරෝනිකාට හදවතේ අමාරුවක් තියෙනවා. එයා ඕනවට වඩා බය වුණොත්, එයාගේ හද ගැස්ම වේගවත් වුණොත්, එයා මැරෙන්න වුණත් පුළුවන්.

දැන් බ්‍රැඩ් උත්සාහ කරන්නේ තමන්ගේ මේ භයානක ස්පයි රස්සාවයි, මේ අලුත් ‘නෝමල්’ ලව් එකයි බැලන්ස් කරගන්න. ඒත් ඒක හිතන තරම් ලේසි වෙන්නේ නැහැ. ‘ට්‍රයිඩන්ට්’ කියලා පරණ තරහක් තියෙන තවත් නපුරු ඒජන්ට් කෙනෙක්, භයානක මිසයිල වගයක් හොරකම් කරනවා. එයාගේ ප්‍රධාන ටාගට් එකත් බ්‍රැඩ්.

ඉතින්, තමන්ගේ අලුත් කෙල්ලගේ හදවත නවතින්නේ නැති විදිහට බය නොකර, මෙයා කොහොමද මේ මිසයිල ටික හොයාගෙන ලෝකෙත් බේරගන්නේ? කතාව යන්නේ එතනින් තමයි.

මේක අධ්‍යක්ෂණය කරලා තියෙන්නේ Corey Pearson. ප්‍රධාන චරිත විදිහට Paul O’Brien (බ්‍රැඩ්), Georgia Walters (වෙරෝනිකා) සහ Teressa Liane (ට්‍රයිඩන්ට්) රඟපානවා.