මේක රොජර් කම්බල් (Roger Kumble) අධ්‍යක්ෂණය කරපු සුපිරි රොමෑන්ටික් කොමඩි එකක්. මේකේ ප්‍රධාන චරිතවලට පණ පොවන්නේ අපි කවුරුත් ආස කරන කැමරන් ඩියෑස් (ක්‍රිස්ටිනා), ක්‍රිස්ටිනා ඇප්ල්ගේට් (කෝට්නි) සහ සෙල්මා බ්ලෙයාර් (ජේන්).

කතාව පටන් ගන්නේ ක්‍රිස්ටිනා වෝල්ටර්ස් කියන හරිම ජොලි කෙල්ලෙක්ගෙන්. මෙයාට “ආදරය” කියන දේ ගැන ශත පහක විශ්වාසයක් නෑ. එයා හිතන්නේ කොල්ලො කියන්නේ විනෝදෙට විතරක් ආශ්‍රය කරන්න ඕන පිරිසක් කියලයි. “Mr. Right” එනකම් බලන් ඉන්නේ නැතුව “Mr. Right Now” එක්ක සතුටු වෙන එක තමයි එයාගේ පොලිසිය.

ඔහොම ඉද්දි දවසක් නයිට් ක්ලබ් එකකදී එයාට පීටර් ඩොනහියු කියලා කොල්ලෙක්ව මුණගැහෙනවා. පීටර් එක්ක කතා කරද්දි ක්‍රිස්ටිනාට තේරෙනවා මෙයා අනිත් කොල්ලො වගේ නෙවෙයි කියලා. දෙන්නා අතරේ පොඩි ආකර්ෂණයක් ඇති වුණත්, පීටර් පහුවදාම නගරයෙන් පිටවෙලා යනවා. එයා යන්නේ එයාගේ මල්ලිගේ වෙඩින් එකට කියලා ක්‍රිස්ටිනා දැනගන්නවා.

ඉතින් ක්‍රිස්ටිනාට මේ පාර නිකන් ඉන්න හිත දෙන්නේ නෑ. එයා තීරණය කරනවා පීටර්ව හොයාගෙන යන්න. එයාගේ හොඳම යාළුවා කෝට්නිත් මේ පිස්සු වැඩේට සෙට් වෙනවා. ඉතින් මේ දෙන්නා කාර් එකක නැගලා පීටර්ව හොයාගෙන යන ගමන පටන් ගන්නවා. හැබැයි මේ ගමන නිකන්ම ගමනක් නෙවෙයි. අතරමඟදී කාර් එක කැඩෙනවා, අමුතු හෝටල්වල නවතින්න වෙනවා, විකාර ඇඳුම් අඳින්න වෙනවා, වගේම පුදුම හිතෙන පිස්සු වැඩ ගොඩකට මේ දෙන්නට මූණ දෙන්න වෙනවා.

මේ ඔක්කොම අස්සේ ඇත්තටම පීටර් බඳින්නද යන්නේ? එහෙම වුණොත් ක්‍රිස්ටිනාට මොකද වෙන්නේ? ක්‍රිස්ටිනාට පීටර්ව වෙලාවට අල්ලගන්න පුළුවන් වෙයිද? මේ පිස්සු රෝඩ් ට්‍රිප් එක කෙළවර වෙන්නේ කොහොමද කියලා දැනගන්න නම් කුතුහලයෙන් පිරි මේ චිත්‍රපටය බලන්නම වෙනවා.