ඔයාලා පොඩි කාලේ ආසාවෙන් කියවපු “ත්‍රිත්ව පරීක්ෂක කණ්ඩායම” එහෙමත් නැත්නම් The Three Investigators මතකද? ජුපිටර් ජෝන්ස්, පීට් ක්‍රෙන්ෂෝ සහ බොබ් ඇන්ඩෲස් කියන මේ දක්ෂ පරීක්ෂක තුන්කට්ටුව ආයෙත් වැඩ පටන් අරන් තියෙනවා. 2025 රිලීස් වුණු මේ අලුත්ම චිත්‍රපටියෙන් කියවෙන්නේ හරිම අභිරහස් කතාවක්.

කතාව පටන් ගන්නේ කාර්පේතියන් බල්ලා (Carpathian Dog) කියන අමුතුම පිළිමයක් වටා ගෙතුණු අද්භූත සිදුවීම් මාලාවකින්. මේ පිළිමය නිසා සාමාන්‍ය මිනිස්සු විතරක් නෙවෙයි, රොකී බීච් නගරයේ ඉන්න ලොකු ලොකු අයත් පුදුම විදිහට බය වෙලා ඉන්නේ. පිළිමය ඇතුළෙන් අමුතු ශබ්ද එනවා, ඒක තියෙන තැන අමුතු එළි පේනවා කියලා තමයි හැමෝම කියන්නේ. ඉතින් අපේ කොල්ලෝ තුන්දෙනා නිකන් ඉඳියිද? නෑ. “අපි ඕනෑම අභිරහසක් විසඳනවා” කියන එක මේ පාරත් ඔප්පු කරන්නයි හදන්නේ.

කතාවේ කුතුහලය වැඩි වෙන්නේ මේ පිළිමය එක්ක බැඳුණු අතීත ශාපයක් ගැන කතා පැතිරෙද්දී. ජුපිටර් තමන්ගේ තර්ක බුද්ධිය පාවිච්චි කරද්දී, පීට් අභියෝග වලට මුහුණ දෙනවා. බොබ් වෙනදා වගේම තොරතුරු හොයනවා. මේක නිකන්ම හොල්මන් කතාවක්ද? නැත්නම් මේක පිටිපස්සේ මොකක් හරි කපටි සැලසුමක් තියෙනවාද? අවසානය වෙනකල්ම හිතාගන්න බැරි විදිහට කතාව ගලාගෙන යනවා. ඔයා අභිරහස් කතා වලට ආස කෙනෙක් නම්, අනිවාර්යයෙන්ම බලන්න ඕන ෆිල්ම් එකක් තමයි The Three Investigators and the Carpathian Dog (2025) කියන්නේ.