මේ තියෙන්නේ, තෙල්මා කියන තරුණියගේ කතාව. එයා ගමේ ඉඳලා නෝර්වේ අගනුවර ඔස්ලෝ වලට එනවා විශ්වවිද්‍යාල අධ්‍යාපනයට. එයා හැදිලා වැඩුණේ ගොඩක් දැඩි ආගමික පරිසරයක, ඒ නිසා එයා හරිම අහිංසකයි, ලෝකය ගැන දන්නේ ටිකයි.

විශ්වවිද්‍යාලයට ආවට පස්සේ එයාට අන්‍යා කියලා තවත් ශිෂ්‍යාවක් හම්බවෙනවා. එයාව දැක්ක වෙලේ ඉඳලා තෙල්මාට අමුතු හැඟීමක් එනවා. හැබැයි මේ හැඟීමත් එක්කම එයාට පුදුම විදියේ අපස්මාර රෝග ලක්ෂණ වගේ දේවලුත් ඇති වෙන්න ගන්නවා.

මේ ලෙඩේ සාමාන්‍ය දෙයක් නෙවෙයි… තෙල්මා අන්‍යා ගැන හෝ වෙනත් දෙයක් ගැන තදින් ආශා කරන, නැත්නම් හිතන හැම වෙලාවකම, එයාට පාලනය කරගන්න බැරි බලයක් එළියට එනවා.

මේ බලය නිසා සමහර දේවල් සිද්ධ වෙනවා… හරිම භයානක විදියට! එයාට දැනගන්න ලැබෙනවා, මේක අහම්බයක් නෙවෙයි, මේක එයාට ආවේණික දෙයක් කියලා.
තෙල්මාගේ දෙමව්පියෝ ඇයි මෙයාව මේ තරම් පාලනය කළේ? ඒ අතීතයේ සිද්ධ වුණු රහස මොකක්ද? අන්තිමට තෙල්මා තමන්ගේ මේ බලය පාලනය කරගනීද, නැත්නම් ඒකෙන් හැමදේම විනාශ වෙයිද?

ඒකට උත්තර හොයාගන්න නම් ඔයාට මේ චිත්‍රපටය බලන්නම වෙනවා! මේක නිකම්ම කතාවක් නෙවෙයි, තමන්ව හොයාගැනීමේ ගමනක්.