1979 අවුරුද්දේ සිද්ධ වෙන අද්භූත හා භීතිජනක සිදුවීම් සමූහයක් වටා තමයි මේ කතාව ගොඩනැගෙන්නේ. ජෙසිකා කියන්නේ විද්‍යාවටයි, එක එක ජාතියේ ගැජට් හදන්නයි හරිම ආස කරන අවුරුදු 13ක පොඩි ගෑනු ළමයෙක්. දවසක් එයාට පරණ රීල් ටේප් රෙකෝඩර් එකක් හම්බෙනවා. මේක ආසාවෙන් හදන අතරතුරේදී අත්වැරැද්දකින් ජෙසිකාගේ ලේ බිංදුවක් මේ මැෂින් එක ඇතුළට වැටෙනවා.

මෙන්න මෙතැනින් තමයි පටන් ගන්නේ මුළු ඇඟම කිලිපොළා යන අද්භූත සිදුවීම් මාලාව! ඒ ටේප් රෙකෝඩර් එක ඇතුළේ අවුරුදු ගාණක් තිස්සේ හිරවෙලා හිටපු යක්ෂ ආත්මයක් එකපාරටම නිදහස් වෙනවා. මේ භයානක බලවේගය මුළු ගම පුරාම තමන්ගේ අඳුරු බලය පතුරුවන්න පටන් ගන්නවා. මිනිස්සු එකිනෙකා අමුතු විදිහට හැසිරෙන්නත්, අද්භූත විදිහට මියයන්නත් පටන් ගන්නවා.

දැන් මේ යක්ෂයාගෙන් තමන්ගේ පවුලයි, යාළුවොයි, මුළු ගමයි බේරගන්න වෙන්නේ ජෙසිකාටයි එයාගේ හොඳම යාළුවෝ ටිකටයි. හැබැයි විද්‍යාවෙන් මෙහා තියෙන මේ අද්භූත බලවේගයට එරෙහිව සටන් කරන්න මේ පොඩි ළමයින්ට පුළුවන් වෙයිද? හුස්ම හිරවෙන කුතුහලයක් එක්ක 80 දශකයේ බියකරු බව විඳින්න කැමති අයට ‘They Reach’ කියන්නේ අනිවාර්යයෙන්ම බලන්න ඕන Retro horror ත්‍රිලර් එකක්!