‘Together (2025)’ කියන්නේ එකිනෙකාට ආදරේ කරන ජෝඩුවක් ගැන ගොඩනැඟුණු කතාවක්. ඒ තමයි මිලී සහ ටිම්. ටික කාලයක් එකට ජීවත් වුණත්, නගරයේ තියෙන කාර්යබහුලත්වය නිසා මේ දෙන්නට පොඩ්ඩක් විතර දුරස් වෙලා වගෙත් දැනෙනවා.

ඉතින්, අලුත් පටන් ගැනීමක් කරන්න හිතාගෙන මේ දෙන්නා තීරණය කරනවා රට පැත්තට ගිහින් ජීවත් වෙන්න. මිලීට ලැබුණු අලුත් රැකියාවක් නිසා, මේ තීරණය ගන්න එක එයාලට ලේසි වෙනවා.

හැබැයි, මේ අලුත් ජීවිතේ පටන් අරගෙන වැඩි දවසක් යන්න කලින්ම, එයාලට අමුතු, අද්භූත බලවේගයක් මුණගැහෙනවා. මේ බලවේගය හින්දා, මේ දෙන්නගේ ආදර සම්බන්ධය වගේම, එයාලගේ ශරීරත් බිහිසුණු විදියට වෙනස් වෙන්න පටන් ගන්නවා.

දැන් එයාලට වෙනදට වඩා එකිනෙකා ළඟින් ඉන්න, එකටම බැඳිලා ඉන්න තරමේ තදබල අවශ්‍යතාවක් ඇති වෙනවා. හැබැයි මේ බැඳීම ලස්සන ආදරයකට වඩා දරුණු, බියකරු දෙයක් බවට පත් වෙන්න පටන් ගන්නවා.

මේ අද්භූත බලපෑමෙන් බේරෙන්න නම්, මේ දෙන්නාට එකටම වැඩ කරන්න වෙනවා. නැත්නම් එයාලගේ ආදරය, ජීවිතය, හැමදේම මේ අමුතු විකෘතියට බිලි වෙන්න ඉඩ තියෙනවා.
දැන් ප්‍රශ්නේ තියෙන්නේ, මේක ඇත්තටම ආදරයද? නැත්නම් මේක භයානක විකෘතියක්ද? එයාලට මේකෙන් බේරෙන්න පුළුවන් වෙයිද? බලමු!