කතාව පටන්ගන්නේ දෙවන ලෝක යුද්ධ කාලේ, ජර්මනියේ දිය යට යාත්‍රා හෙවත් ‘U-boats’ අත්ලාන්තික් සාගරයේ රහස් යුද්ධයක් ගෙනියන වෙලාවක. නිකමට හිතන්න, මේ ජර්මන් U-boat එකකට ලොකු හානියක් වෙනවා, ඒත් එයාලා ගාව තියෙනවා Enigma කියලා අතිශය රහස් කේතන යන්ත්‍රයක්. මේක තමයි එයාලගේ සියලුම රහස් පණිවිඩවල යතුර.

මේක දැනගන්න ඇමරිකානු නාවික හමුදාව (US Navy) පුදුම වැඩකට අතගහනවා. ඒ තමයි, එයාලගේම සබ්මැරීනයක් අරගෙන, ඒක ජර්මන් සබ්මැරීනයක් වගේ වෙස්වලාගෙන, හානියට පත්වුණු ජර්මන් සබ්මැරීනයට රහසින් කිට්ටු කරලා, ඒක ඇතුළට රිංගලා Enigma යන්ත්‍රය කොල්ලකන්න සැලැස්මක් ගහන එක.

මේකට යන ඇමරිකානු සබ්මැරීනයේ ඉන්නවා තරුණ නිලධාරියෙක්, ලෙෆ්ටිනන්ට් ටයිලර් (Lieutenant Tyler). එයාට ඕන වෙලා තියෙන්නේ තමන්ගේම සබ්මැරීනයක අණදෙන නිලධාරී වෙන්න. එයාගේ කැප්ටන් හිතන්නේ ටයිලර් තවම ඒකට සුදුසු නැහැ කියලා.

හැබැයි වැඩේ අනික් පැත්ත හැරෙනවා. ඇමරිකානු කණ්ඩායම ජර්මන් සබ් එක අල්ලගන්න හදද්දී, එයාලගේම සබ්මැරීනයට පහරක් එල්ල වෙනවා. ඉතිරිවෙන සුළු පිරිසට සිද්ධ වෙන්නේ, අර අල්ලගත්ත ජර්මන් U-boat එක ඇතුළේ හිරවෙලා, මාරාන්තික අනතුරු මැද, ඒක එළියට ගන්න.

දැන් ටයිලර්ට සිද්ධ වෙනවා, තමන්ගේ හිතුවාටත් වඩා ඉක්මනින්, අලුත් නායකයෙක් වෙන්න. එයාලට ජර්මන් සබ් එකත් එළවගෙන, රහස් යන්ත්‍රයත් ආරක්ෂා කරගෙන, තමන්ට පහර දුන්නු සතුරන්ගෙනුත් බේරිලා යන්න පුළුවන් වෙයිද? ඒක තමයි ඇත්තටම බලන්න තියෙන්නේ!
මේක හරිම ආතල්, හුස්ම නවතින සබ්මැරීන් ඇක්ෂන් කතාවක්. බලන්නම ඕනේ!