මේ කතාව ටිකක් වෙනස්. 21 වැනි සියවසේ අනාගත ලෝකෙක තමයි සිදුවෙන්නෙ.
දැන් ලෝකෙට ඇවිත් තියෙනවා අලුත් වෛරස් එකක්. ඒක හැදිච්ච අයට කියන්නෙ ‘හීමොෆේජස්’ (Hemophages) කියලා. ඒ කියන්නෙ වැම්පයර්ලා වගේ වෙනස් වුණු මිනිස්සු. එයාලට සුපිරි වේගයක්, ශක්තියක්, බුද්ධියක් තියෙනවා.

ඒත් සාමාන්‍ය මිනිස්සු එයාලට හරිම බයයි. ආණ්ඩුවෙන් හදන්නෙම එයාලව විනාශ කරන්න.
මෙතන ප්‍රධාන චරිතේ තමයි වයලට් කියන ගැහැණිය. එයාත් ‘හීමොෆේජ්’ කෙනෙක්. එයා රහසිගතව ඉන්න කැරලිකාර කණ්ඩායමක ඉහළම ඒජන්තවරියක්.

දවසක් එයාට පැවරුමක් ලැබෙනවා: ආණ්ඩුවේ තියෙන භයානක ‘සුපිරි අවියක්’ (Superweapon) සොරකම් කරලා විනාශ කරන්න. ඒකෙන් එයාලගෙ මුළු ජාතියම අතුගාලා දාන්න පුළුවන්ලු.

වයලට් ඒක හොරකම් කරන්න ගියාම පුදුම වෙනවා… මොකද, ඒ ‘අවිය’ වෙලා තියෙන්නෙම “සික්ස්” (Six) කියලා හඳුන්වන පොඩි කොල්ලෙක්!

එතනින් තමයි කතාව අවුල් වෙන්නෙ. වයලට් කෙනෙක් මරන්නෙ නෑ. එයාට එයාගේම කැරලිකාර කණ්ඩායමෙනුත්, අනිත් පැත්තෙ ආණ්ඩුවෙනුත් දරුණු විදිහට පන්නනවා.
දැන් එයාට සිද්ද වෙලා තියෙනවා මුළු ලෝකෙටම තර්ජනයක් වෙච්ච මේ පොඩි කොල්ලව බේරගෙන දුවන්න.

මේ කොල්ලා ඇත්තටම කවුද? එයාගේ ලේ වල තියෙන රහස මොකක්ද? මේ දරුණු සටනින් වයලට් දිනයිද? …නරඹලාම දැනගන්නකෝ!