මතියස් කියන කොල්ලා පරණ ලැප්ටොප් එකක් හොයාගන්නවා. ඉතින්, මෙයා මේ ලැප් එකෙන් ලොග් වෙලා, එයාගෙ යාලුවො සෙට් එකක් එක්ක වීඩියෝ කෝල් එකක (ගේම් නයිට් එකක්) සෙට් වෙනවා.

ඔහොම ඉන්න ගමන් මතියස් ලැප් එකේ තියෙන පරණ ෆයිල් වගයක් අවුස්සනවා. එතකොට තමයි එයාට අමුතු, බය හිතෙන ෆෝල්ඩරයක් හම්බවෙන්නේ. මේක නිකන් ෆෝල්ඩරයක් නෙවෙයි, ඩාර්ක් වෙබ් එකට සම්බන්ධ, මිනිස්සුන්ට වද දෙන වීඩියෝ තියෙන තැනක්.

මුලින්ම යාලුවො හිතන්නේ මේක මොකක්හරි විහිළුවක්, නැත්නම් නිකන් වීඩියෝ වගයක් කියලා. ඒත් ටික වෙලාවකින් එයාලට තේරෙනවා, ලැප්ටොප් එකේ ඇත්ත අයිතිකාරයෝ—බලවත්, අභිරහස් කල්ලියක්—මේ හැමදේම බලාගෙන ඉන්නවා කියලා.

මෙතන ඉඳන් තමයි නියම බය හිතෙන ගේම පටන් ගන්නේ.
මේ අයිතිකාරයෝ, මතියස්ගෙයි එයාගෙ යාලුවන්ගෙයි හැම රහසක්ම, හැම තොරතුරක්ම දන්නවා. එයාලා මේ යාලුවො සෙට් එකව එයාලගේ බිහිසුණු සෙල්ලමකට අහු කරගන්නවා. මේ කෝල් එකේ ඉන්න හැමෝගෙම ජීවිතේ තියෙන්නේ ලොකු අනතුරක.

මේ අභිරහස් කල්ලිය කවුද? එයාලට ඇත්තටම ඕන මොනවද? මේ ඩිජිටල් උගුලෙන් කාටහරි පණපිටින් බේරෙන්න පුළුවන් වෙයිද? කතාව බලලම තමයි දැනගන්න වෙන්නේ.