මේක ඇත්තටම තනි අධ්‍යක්ෂකවරයෙක් කරපු ෆිල්ම් එකක් නෙවෙයි. මේක “Anthology” එහෙම නැත්නම් කෙටි කතා එකතුවක් වගේ යන ෆිල්ම් එකක්. Simon Barrett සහ Timo Tjahjanto වගේ ප්‍රසිද්ධ හොරර් ඩිරෙක්ටර්ස්ලා කිහිප දෙනෙක්ම මේකේ එක එක කොටස් අධ්‍යක්ෂණය කරලා තියෙනවා. නළු නිළියෝ ගැන බැලුවොත්, ලොකු සුපිරි තරු නැති වුණාට, Anna Hopkins සහ Christian Potenza වගේ අය මේකේ චරිතවලට ලොකු සාධාරණයක් කරනවා.

කතාව පටන් ගන්නේ SWAT ටීම් එකක් අතහැරලා දාපු ලොකු ගබඩාවක් ඇතුළට කඩා පනින තැනින්. මේගොල්ලෝ හොයන්නේ භයානක මත්ද්‍රව්‍ය ජාවාරමක් ගැන හෝඩුවාවක්. හැබැයි ඇතුළට ගියාම තමයි තේරෙන්නේ වැඩේ හිතනවාට වඩා ගොඩක් බරපතලයි කියලා. එතන තියෙන්නේ නිකන්ම මත්ද්‍රව්‍ය නෙවෙයි, අමුතුම විදිහේ ආගමික කල්ලියක මූලස්ථානයක් වගේ තැනක්.

මේ ගොඩනැගිල්ල පුරාම මැරිච්ච අයගේ සිරුරු සහ අමුතු විදිහේ රූපවාහිනී තිර ගොඩක් තියෙනවා. මේ SWAT කණ්ඩායම ඉස්සරහට යනකොට, ඒ ටීවී වල එක එක වීඩියෝ ප්ලේ වෙන්න ගන්නවා. අන්න ඒ වීඩියෝවලින් තමයි අපිට එක එක භයානක කතා හතරක් බලාගන්න පුළුවන් වෙන්නේ.

එක වීඩියෝ එකක තියෙන්නේ මලාපවහන පද්ධතියක ජීවත් වෙන විකෘති මනුස්සයෙක් ගැන වාර්තා කරන්න යන රිපෝටර් කෙනෙක්ගේ කතාවක්. තව එකක තියෙනවා අවමගුල් ගෙදරකදී මිනියක් එක්ක තනියම ඉන්න වෙන කෙනෙක්ට වෙන ත්‍රාසජනක සිද්ධියක්. ඒ වගේම පිස්සු විද්‍යාඥයෙක් මිනිස්සුන්ව යන්ත්‍ර එක්ක එකතු කරලා කරන අත්හදා බැලීමක් ගැනත් දරුණු වීඩියෝවක් මේ අතර තියෙනවා.

මේ වීඩියෝ බල බල SWAT ටීම් එක ගබඩාව ඇතුළේ තව තව ඉස්සරහට යනකොට, ඒගොල්ලන්ට තේරෙනවා මේ වීඩියෝ නිකන්ම රෙකෝඩින්ග්ස් නෙවෙයි, ඊට එහා ගිය ලොකු අනතුරක් මේ ගබඩාව ඇතුළේ එයාලටත් ලං වෙමින් තියෙනවා කියලා. අන්තිමට මේ අයට මොකද වෙන්නේ? අර වීඩියෝවල රහස මොකක්ද? ඒ ටික දැනගන්න නම් ෆිල්ම් එක බලන්නම වෙනවා.