ඔබේ පවුලේ කෙනෙකුට කවුරුහරි අසාධාරණයක් කළොත් ඔබ මොකද කරන්නේ Vendetta (2022) කියන්නේ අන්න ඒ වගේ දරුණු පලිගැනීමක් වටා ගෙතුණු සටන්කාමී චිත්‍රපටයක්. කතාව පටන් ගන්නේ විලියම් ඩන්කන් කියන සාමාන්‍ය පියෙක්ගෙන්. තමන්ගේ ආදරණීය දියණියව මැර කල්ලියක් අතින් ඉතා අවාසනාවන්ත විදිහට ඝාතනය වෙනවා. නීතියෙන් යුක්තිය ඉෂ්ට වෙයි කියලා බලාපොරොත්තුවෙන් හිටියත්, දූෂිත පද්ධතිය ඇතුළේ ඒක ඉටු වෙන්නේ නැහැ.

එතනින් පස්සේ විලියම් තීරණය කරනවා නීතිය තමන්ගේ අතට ගන්න. ඔහු තනියම ඒ මැර කල්ලිය පිටුපස හඹා යනවා. හැබැයි මේක ලේසි ගමනක් නෙවෙයි. මොකද ඒ මැර කල්ලියේ නායකයාගේ පුතාව මරන්න ගිහින් විලියම් ලොකු අමාරුවක වැටෙනවා. දැන් මේක දෙපැත්තටම කැරකෙන දරුණු යුද්ධයක්. එක මරණයකට තව මරණයක්, එක ලේ බිඳුවකට තව ලේ බිඳුවක් විදිහට මේ පලිගැනීමේ චක්‍රය ගලාගෙන යනවා.

චිත්‍රපටයේ ඇක්ෂන් දර්ශන සහ බෲස් විලිස් වගේ ප්‍රබල නළුවන්ගේ රංගනය නිසා කතාවට ලොකු ජීවයක් ලැබිලා තියෙනවා. තමන්ගේ ආදරණීයයන් වෙනුවෙන් මිනිහෙක් කොයිතරම් දුරක් යයිද පලිගැනීම අවසානයේ ඉතිරි වෙන්නේ මොනවාද මේ හැම ප්‍රශ්නයකටම උත්තර හොයාගන්න නම් Vendetta බලන්නම වෙනවා. කුතුහලය සහ කුළුගැන්වුණු සටන් ජවනිකා කැමති අයට මේක සුපිරි අත්දැකීමක් වෙයි.