මේකේ ප්‍රධාන චරිතය තමයි ෆ්‍රෑන්ක් ෆලෙන්සික් (Frank Falenczyk). එයාගේ “ජොබ් එක” කියන්නේ පෝලන්ත මාෆියාව වෙනුවෙන් මිනිස්සු මරන එක. ඒත් මෙයාගේ තියෙන ලොකුම ප්‍රශ්නේ තමයි හොඳටම බිබී ඉන්න එක.

ඔන්න ඉතින් දවසක් වැඩක් කරන්න ගිහින් බීලා වැඩේ අවුල් කරගත්තාම, එයාගේ මාමා කෙනෙක් මෙයාව බෆලෝවලින් (Buffalo) අයින් කරලා සැන් ෆ්‍රැන්සිස්කෝ (San Francisco) වලට යවනවා. කොන්දේසියක් පිට, “දැන්වත් මේ බීම නතර කරලා හොඳ වෙන්න ඕනේ!” කියලා. නැත්නම් මාෆියා පවුලෙන් අයින් කරනවා.

සැන් ෆ්‍රැන්සිස්කෝ ගියාම තමයි වැඩේ! එයාට AA (Alcoholics Anonymous) කියන මත්පැන් විරෝධී වැඩසටහනට යන්න වෙනවා. ඒ අතරේ එයාට අලුත් රැකියාවකුත් ලැබෙනවා. ඒක නම් ටිකක් අමුතුයි… මලගෙවල්වල වැඩ කරන තැනක!

ඔතනදී තමයි එයාට ලෝරල් (Laurel) කියන ලස්සන, ටිකක් වෙනස් විදිහේ ගැහැණු ළමයාව හම්බවෙන්නේ. හිතාගන්නවත් බැරි විදිහට මේ හිට්-මෑන් කෙනාට මේ මලගෙවල්වල වැඩ කරන තැන හම්බවෙන ගෑනු ළමයා එක්ක ආදරයක් ඇති වෙනවා.

දැන් ෆ්‍රෑන්ක් ටිකෙන් ටික හොඳ වෙන ගමන්, ආදරය කරන ගමන් ඉන්නවා. ඒත් එයාගේ පරණ ලෝකය එයා පස්සෙන් එනවා. බෆලෝවල එයාගේ පවුලට ලොකු ප්‍රශ්නයක් වෙලා. එතකොට ෆ්‍රෑන්ක්ට එයාගේ අලුත් ජීවිතේයි, පරණ ජීවිතේයි අතරේ අමාරු තීරණයක් ගන්න සිද්ධ වෙනවා.

ප්‍රශ්නෙ තියෙන්නේ, මිනීමැරුම් වලින් තොරව ජීවත් වෙන්න පුළුවන්ද? එයාගේ “අලුත් ජීවිතේ” පරණ දේවල් එක්ක එකතු කරන්න පුළුවන්ද?
මේක කොමඩි, ආදරය, ත්‍රාසය ඔක්කොම එකට කැටි වුන අමුතුම චිත්‍රපටයක්. බලන්නකෝ එයා මොකක් කරයිද කියලා!