ඩෙබී සහ පීටර් කියන්නේ අවුරුදු ගාණක ඉඳන් හොඳම යාළුවෝ දෙන්නෙක්. හැබැයි දෙන්නා හරිම වෙනස්. ඩෙබී ජීවත් වෙන්නේ එල්.ඒ. (Los Angeles) වල, තමන්ගේ පුතා එක්ක පිළිවෙලකට, නීති රීති ඇතුව. එයා වෙනසට එච්චර කැමති නෑ. පීටර් ඉන්නේ නිව් යෝර්ක් වල, එයා නිතරම වෙනස්කම් හොයන, වෙනස් ජීවිතයක් ගත කරන කෙනෙක්.

දවසක් ඩෙබීට එයාගේ ජීවිතේ ලොකු අවස්ථාවක් ලැබෙනවා. ඒකට එයාට සතියක් නිව් යෝර්ක් යන්න වෙනවා. එතකොට පුතාව බලාගන්න උදව් කරන්න පුළුවන් වෙන්නේ පීටර්ට විතරයි.

ඉතින් මේ යාළුවෝ දෙන්නා තීරණය කරනවා සතියකට එයාලගේ ගෙවල් සහ ජීවිත හුවමාරු කරන්න. ඩෙබී යනවා පීටර්ගේ ගෙදරට, පීටර් එනවා ඩෙබීගේ ගෙදරට, එයාගේ පුතාව බලාගන්න.

මෙහෙම ජීවිත මාරු කරද්දී, එයාලට පුළුවන් වෙනවා අනිත් කෙනාගේ ජීවිතය ඇතුළට ටිකක් එබිකම් කරන්න. මේ විදිහට අලුත් දේවල් දකිද්දි, තමන්ට ඇත්තටම අවශ්‍ය මොකක්ද කියන එක ගැන එයාලගේ අදහස් වෙනස් වෙන්න පටන් ගන්නවා. මේ නිසා එයාලා දෙන්නා අතරේ තියෙන සම්බන්ධය අලුත් අතට හැරෙයිද? නැත්නම් එයාලා තමන්ගේ පැරණි ජීවිතවලට ආයෙත් යයිද? ඒක දැනගන්න ඔයාටම ෆිල්ම් එක බලන්න වෙනවා!

Your Place or Mine – යාළුවෝ දෙන්නෙක්ගේ ජීවිත මාරුවීමෙන් එයාලගේ ආදර කතාව පටන් ගන්නේ කොහොමද කියලා බලන්න.